"Trent" (Contén)

DISTRITOS

Distrito unitario de Inglaterra, Reino Unido, (93 km2; 240.636 h [2001])

RIOS

Río situado no centro-norte de Inglaterra. Nace ao SL de Congleton, no sector meridional dos Peninos, corre cara ao S, pasa por Nottingham e desemboca no mar do Norte polo esteiro do Humber, tras 270 km de percorrido.

REXIÓNS

Rexión do N de Italia, que coincide coa provincia de Trento e que, xunto co Tirol do Sur, forma a rexión administrativa Trentino-Alto Adige. Situada na banda meridional desta, limita co Tirol do Sur ao N, con Véneto ao L e ao S, e con Lombardia ao O e ao S. Pertencente á Retia no s III a C, foi conquistada por Roma en 15 d C. Coa creación do reino longobardo (569) estableceuse o ducado de Trento, organizado como marca cando Carlomagno se apoderou del (774). A finais do s X uníronse os poderes ducal e eclesiástico en mans dos bispos, cuxo poder non foi secularizado ata 1363. Pasou a Baviera en 1806 e despois foi agregado ao Reino de Italia (1810). Foi ocupado polas tropas austríacas en 1813, incorporado ao condado do Tirol (1816) e unido á Confederación Xermánica (1818). Foi tomado polos italianos en novembro de 1918.

REXIÓNS

Rexión administrativa do N de Italia, situada entre Lombardia ao O e ao SO, o cantón suízo de Graubünden ao O, Véneto ao SL e L, e o Tirol austríaco ao N (13.607 km2; 937.107 h [2001]). A súa capital é Trento. A base da súa economía é a agricultura, que se limita ás zonas baixas e chairas. O principal cultivo son as maceiras, seguidas das patacas e a vide. A actividade industrial é escasa, e sobresaen a metalurxia e a maquinaria. O territorio corresponde á rexión da Venecia tridentina creada despois da Primeira Guerra Mundial, que en 1948 se converteu en rexión autónoma cun estatuto especial e un parlamento. Os conflitos entre as dúas poboacións (italianos e alemáns) só tiveron unha certa tregua a raíz das concesións do parlamento italiano para Tirol do Sur en 1970.

CAPITAIS

Capital de Trentino-Alto Adige e da provincia homónima, no Trentino, Italia (104.844 h [2001]). Situada no val do río Adige, é un importante núcleo de comunicacións, e ten industria de mobles, metalúrxica e téxtil. Conquistada polos romanos en 222 a C co nome de Tridentum, recibiu o dereito de cidadanía romana en 49 a C. Sé dun bispado desde o s IV, foi ocupada polos ostrogodos no s V, e pouco despois polos longobardos, que crearon nela un ducado. Baixo os carolinxios converteuse en capital dunha marca. Uniuse ao Reino de Xermania en 952, e foi posta baixo a soberanía dos seus bispos entre 1004 e 1801. En 1407 os tridentinos obtiveron nunha revolta o recoñecemento dos dereitos comunais. A cidade foi embelecida, e tivo un forte impulso económico grazas ao bispo Bernardo Clesio (1514-1538). Grazas á súa situación de terra italiana sometida ao emperador, foi escollida como sede do Concilio de Trento, entre 1545 a 1563. Napoleón I Bonaparte fíxoa centro do departamento do Alto Adige...

CAPITAIS

Capital do estado de New Jersey, EE UU (85.403 h [2000]). É un centro industrial na beira do Delaware, con industrias téxtiles, farmacéuticas e de fabricación de pneumáticos.