"Xericó" (Contén)

PERSOEIRO

Monxe que chegou a Samos xunto coa súa irmá Sarra para restaurar a vida monástica. Abandonado o mosteiro trala invasión musulmana, o Rei Froila I concedeulle este asentamento para a súa repoboación. Durante un certo tempo funcionou como mosteiro dúplice. Un diploma dos tempos de Ordoño II, con data do 1 de agosto de 922, relata esta chegada.

CIDADES

Cidade de Palestina (57.000 h [1964]). Situada nun oasis de vexetación case tropical, atópase a 25 m baixo o nivel do mar, o que a converte na cidade máis baixa do mundo. Segundo a Biblia foi a primeira cidade conquistada polos israelís, tras pasar o Xordán. A partir de 1948, incorporada a Xordania, converteuse en campo de refuxiados. Ocupada por Israel en 1967, en 1994 converteuse en territorio autónomo palestino segundo os acordos entre a OLP e Israel.