chupar

1. v t

   Extraer cos beizos ou con outro órgano o zume dalgunha cousa.

   Ex: O neno chupou ata a última pinga do biberón.

   Sinónimos: chuchar, zugar.
2. v t

   Inxerir un líquido por sución, sen retelo na boca.

   Ex: Lembro cando chupabas o refresco cunha palliña.

   Sinónimos: chuchar, sorber, zugar.
3. v t

   Apreixar na boca un obxecto co fin de disolvelo.

   Ex: Chupou o caramelo ata que se lle desfixo na boca.

   Sinónimos: chuchar.
4. v t

   Extraer o leite das glándulas mamarias das femias dos animais mamíferos.

   Ex: O año chupaba o leite da nai con insistencia.

   Sinónimos: chuchar, mamar.
5. v t

   Absorber os vexetais a auga do chan a través das raíces.

   Ex: A planta chupou a auga rapidamente do seca que estaba.

   Sinónimos: chuchar, zugar.
6. v t

   Apropiarse dos bens materiais dunha persoa. Ex: Os irmáns chupáronlle a parte que lle correspondía na herdanza.

   Ex: Os irmáns chupáronlle a parte que lle correspondía na herdanza.

7. v t

   Desmellorar a saúde ou o bo aspecto a causa de distintas circunstancias.

   Ex: Este inverno ruín chupouno.

   Sinónimos: chuchar.
8. v t

   Realizar unha felación.

9. v pron

   Engurrarse e perder o bo aspecto unha persoa.

   Ex: Chupouse tanto despois da dieta que tivo que ir ó médico.

Frases feitas

• Chupar máis ca unha esponxa/ca unha sanguesuga. 1 Beber moito.

• 2 Abusar economicamente de alguén.

• Chupar o sangue. Explotar a alguén.

• Chuparlle os ollos a alguén. Abusar de alguén sacándolle o que posúe.