sorber

1. v t

   Beber aspirando.

   Ex: Sorbeu o zume cunha palla. OBS: Nalgunhas construcións omítese o complemento e adquire valor absoluto. Ex: Non me gusta que sorbas.

2. v t

   Aspirar forte polo nariz, sobre todo para que non caian os mocos.

   Ex: Anda arrefriado e sorbe os mocos todo o día.

3. v t

   Atraer unha cousa a outra cara ao seu interior.

   Ex: O maremoto sorbeu a vila enteira.

4. v t

   Absorber algo.

   Ex: A terra seca sorbe a auga moi rápido.

Refráns

• Botar sopas e sorber, todo xunto, non pode ser.
• Sopas e sorber, non hai tal comer.