ciclamino

Planta do xénero Cyclamen da familia das primuláceas. Caracterízase por ser perenne e presentar tubérculos arredondados máis ou menos afundidos, follas cordadas ou reniformes, con longos pecíolos, enteiras ou dentadas, flores pentámeras, con pétalos reflexos e froitos capsulares dehiscentes por cinco valvas. Comprende unhas vinte especies propias da rexión mediterránea, de Europa Central e de Asia Menor; son moi apreciadas en xardinería, sobre todo o ciclamino persa (C. persicum), de follas listadas e flores grosas, que presenta unha ampla gama de cores.