Cladium

Xénero de herbáceas da familia das ciperáceas caracterizado por presentar rizoma, talos cilíndricos, follas ríxidas de ata 15 mm de ancho con fortes dentes cortantes na marxe, inflorescencia en panícula terminal ovada de cor rubia composta por espiguiñas, de ata 3 flores hermafroditas, e escamas dispostas de xeito helicoidal. En Galicia está presente a especie C. mariscus, que forma masas densas nas beiras das lagoas.