Coello, Claudio

Pintor. Fillo dun broncista portugués establecido en Madrid, foi discípulo de Francisco Rizi. Converteuse no representante máis importante da escola madrileña do s XVII. En 1683 foi nomeado pintor do rei e en 1686 pintor de cámara. Decorou o teito da sancristía da catedral de Toledo (1671) e realizou os frescos da igrexa dos Agustinos de Zaragoza (1683). Elaborou un gran número de retratos entre os que sobresaen os de Carlos II. A súa obra máis importante foi La Sagrada Forma (1685), conservada na sancristía do mosteiro de San Lorenzo de El Escorial.

Cronología