Temas

Rei de Inglaterra (1087-1100) e duque de Normandie (Guillerme III, 1096-1100), fillo e sucesor de Guillerme I de Inglaterra. De nome Guillerme Rufus, obrigou o rei escocés Malcolm III a renderlle homenaxe e ocupou en 1092 a vila de Carlisle e as rexións de Cumberland e Westmorland. As intrigas do seu irmán Roberto II de Normandie e do seu tío Odón de Bayeux, levárono a invadir Normandie en varias ocasións (1089, 1091 e 1094). En 1096 comproulle o ducado ao seu irmán e recuperou o Condado de Maine.

Escritor inglés. Deuse a coñecer con The Hind and the Panther Transvers’d to the Story of the Country Mouse and the Town Mouse (1696). Da súa lírica cómpre destacar os poemas longos Henry and Emma, Alma or the Progress of the Mind e Solomon on the Vanity of the World.

Escritor. Foi un dos fundadores do neorrealismo. Da súas producións destacan Aldeia nova (1942), O fogo e as cinzas (1953), Seara de vento (1958), Poemas completos (1958), Un anjo no trapézio (1968) Tempo de solidão (1973).

Escritor. Especializado en temas relixiosos e colaborador habitual da revista Encrucillada, participou no proxecto de tradución da Biblia ao galego. Da súa obra cómpre salientar Graciñas, La Teología de la Liberación y su método: estudo en Hugo Assmann y Gustavo Gutiérrez (1976), Temos carta de Deus (1994) e Profecía dun capitán Trono: quén coma Deus (2000).

Arquitecto español. Embarcou cara a México no ano 1573, onde dirixiu as obras da Catedral de Puebla e consolidou a Igrexa de Santo Domingo, na capital. No ano 1581 trasladouse a Quito e no 1582 ao Perú, onde trazou os planos da Catedral de Lima. Así mesmo, durante a súa estadía no Perú deseñou os fortes de Callao e o pazo dos vicerreis en Lima.

Pintor. A súa obra centrouse na paisaxe galega. Estudiou na Escola de Artes e foi afeccionado á arqueoloxía. En abril de 1958, dirixindo unhas obras de escavación, atopou un exemplar de Elephas meridionalis, conservado no Museo Nacional de Ciencias Naturales de Madrid. Introduciu unha nova técnica na extracción e preparación de fósiles e colaborou co Instituto Arqueológico Municipal de Madrid. Comezou a expoñer cando se xubilou e organizou diversas mostras en Madrid, Ponferrada e Ciudad Real.

Guionista de cine, crítico de arte e pintor. Residiu en València, onde dirixiu a revista poético-política Murta. Estudiou dereito e filosofía en Irún e trala Guerra Civil exiliouse a Francia, onde escribiu Léon Blum y su época e traduciu L’Espoir de Malraux. Compaxinou os labores literarios cos plásticos. Regresou a España e despois de pasar por diversos campos de concentración, instalouse en Madrid onde realizou guións de cine e dirixiu as páxinas de arte do xornal Ya. Conferenciante, colaborou na prensa española e latinoamericana. Foi autor, entre outras obras, de Benjamín Palencia (1972), Fornells-Plá (1975), Boado (1977), Constantino Grandío López, pintor y miembro de la Sociedad Protectora de Animales (1990) e colaborou, entre outros, en Treinta pintores gallegos (1974) e A Diego Giráldez, un pintor intelectual (2000). Organizou a I Bienal de Marbella, pola que recibiu o Premio da Crítica e obtivo...

Militar e político sueco. Axudante de campo do Rei Gustavo III e gobernador de Pomerania (1800), dirixiu os exércitos que contiveron o cerco francés á cidade de Stralsund (1807). Embaixador en París, asinou a paz cos franceses en 1810. En 1814 dirixiu o exército sueco que invadiu Noruega e desde 1817 foi vicerrei deste país.

Arqueólogo e historiador da arte escocés. Formado na University of Edinburgh, estudiou a arquitectura da India, China e Europa. Das súas obras destaca The palaces of Nineveh and Persepolis restored; an essay on ancient Assyrian and Persian architecture (Os palacios restaurados de Nínive e Persépolis: un ensaio sobre arquitectura antiga asiria e persa, 1851).