Temas

Liñaxe que leva como armas, escudo de prata xironado de seis pezas de azul. A casa de Canel da Fonsagrada campea outro brasón que trae un escudo cuartelado: primeiro e cuarto cuartel, en campo de prata, cun brazo vestido ao natural, movente do franco sinistro; segundo e terceiro cuartel, en campo de azul, cunha estrela de ouro.

Liñaxe de orixe galega que trae por armas, en campo de prata, un corvo de sable.

Liñaxe de orixe galega que trae por armas, en campo de ouro, unha rosa heráldica de goles.

Liñaxe de orixe galega que trae por armas, escudo partido dun trazo cortado de dous, o que dá seis cuarteis; 1 e 4, de ouro, cunha árbore de sinople, sinistrada dun león de prata empinado ao tronco; 2, de azul, cun castelo de prata; 3, de ouro, cunha aguia de sable; 5, de azul, con cinco barras de ouro; e 6, de azul, con dúas bandas de prata, acompañadas de seis flores de lis, dúas no alto, tres entre as bandas e unha no baixo.

Liñaxe de orixe galega que trae por armas, en campo de goles, unha flor de lis de ouro en abismo, acompañada de catro aspas de ouro, unha en cada cantón do escudo. Outro trae, en campo de goles, un castelo de prata deitado de dúas pólas de seoanes de sinople, onde está resaltada a porta dun guerreiro armado, cunha lanza na man dereita e superado todo dunha flor de lis de azul no medio do xefe e unha estrela de ouro de oito raios en cada cantón, as tres figuras colocadas en faixa; bordo de prata, cargado dun guerreiro de prata no centro do xefe e de sete cabezas de lobo de sable, colocadas unha en cada cantón do xefe, unha en cada flanco e tres en punta.

Liñaxe de orixe galega que trae por armas, en campo de azul, unha fileira de casas, da súa cor, aclaradas de goles.

  Liñaxe orixinaria do concello do Carballiño. Outros apelidos relacionados con esta caste son Alboio, Alboiado, Alboiada e Alboios. As súas armas levan, sobre campo de azur, un alboio.

Liñaxe de orixe galega que trae por armas, en campo de azul, un piñeiro de sinople, perfilado de ouro, resaltado o tronco cunha tenreira da súa cor cunha manta de prata no lombo.

Liñaxe de orixe galega que trae por armas, en campo de prata, unha cidade fortificada do mesmo -en contra das leis heráldicas-, cun castelo dentro, e saíndo dunha fiestra da torre da homenaxe un brazo armado sostendo na man unha bandeira de prata cargada dunha aspa de goles.

Liñaxe natural de Sarria. As súas armas levan, en campo de sinople, un bordo entre leiras.