Temas

Familia de banqueiros e financeiros xudeus, orixinaria de Frankfurt, que constituíu unha gran potencia económica durante o s XIX. O fundador foi o cambista Mayer Amschel Rothschild (Frankfurt 1743-1812), banqueiro de Guillerme I de Hessen, que financiou o equipamento do seu exército na guerra contra Napoleón. Controlaron unha boa parte dos ferrocarrís europeos e mesmo estadounidenses, así como moitas empresas de diferentes sectores. A finais do s XIX comezou o seu descenso económico.

Familia de músicos bohemios famosa en Europa no s XVIII. Descendía de Jan Ji ř í Benda (1686-1757), tecelán e músico ocasional instalado en Stáre Benátky (Bohemia). František Benda (Stáre Benátky, Bohemia 22.11.1709 - Postdam 7.3.1786), primeiro fillo de Jan Jiří Benda, destacou axiña como violinista. entrou ao servizo de Federico II de Prusia e foi konzertmeister da capela real (1771). Como compositor ten diversas obras para violín e para frauta. Johann Benda (1713-1752), violinista da corte e compositor de pezas para violín. Jiří Antonín Benda (Stáre Benátky, Bohemia 30.6.1722 - Köstritz 6.11.1795), foi violinista da orquestra da corte prusiana e mestre de capela de Gotha. Cultivou a música escénica, a música de cámara, sinfonías e pezas para instrumentos de tecla. Compuxo numerosos singspiele, entre os que destacan Ariadne auf Naxos (1775), Medea (1775) e Romeo und Julie (1776). Joseph Benda...

Familia de industriais alemáns instalados en Essen que se remonta a Friedrich Krupp (1787-1826), que fundou unha pequena fábrica de aceiro (1811). O seu fillo Alfred Krupp (1812-1887) utilizou un novo tipo de aceiro fundido (1847) e introduciu en Alemaña o procedemento Bessemer. Sucedeuno o seu fillo Friedrich Alfred Krupp (1854-1902), que adquiriu os estaleiros Germania Werft de Kiel (1902), e que á súa vez o sucedeu a súa filla Berta Krupp (1886-1957). Entre 1914 e 1918 os Krupp posuían practicamente o monopolio da produción do armamento en Alemaña e no período de Entreguerras participaron na campaña de rearmamento promovida polos nazis. O fillo de Berta, Alfred Krupp von Bohlen und Halbach (1907-1967), foi condenado polo Proceso de Nuremberg a doce anos de prisión. Á súa morte, a razón social converteuse nunha sociedade por accións, controladas non obstante en gran parte polos seus sucesores. Na...

Familia de Boloña. Interveu na vida boloñesa desde finais do s XIII e a súa influencia aumentou a partir de 1360. En 1401 Giovanni I foi proclamado señor de Boloña (1401). O Papa Xulio II puxo fin ao dominio dos Bentivoglio en Boloña (1506).

Familia de científicos alemáns. Valentine Rose (Neuruppin, Brandenburgo 1736-Berlín 1771), químico e farmacéutico, ideou unha aliaxe de chumbo, cinc e bismuto. O seu fillo, Valentine Rose (Berlín 1762-1807) o Novo, descubriu o bicarbonato sódico e a insulina. Fillos deste foron Gustav Rose (Berlín 1789-1873), mineraloxista, que estudou a cristalografía e o cuarzo e clasificou as rochas, e Heinrich Rose (Berlín 1795-1864), químico, que colaborou con Berzelius e desenvolveu métodos de análise cualitativa.

Familia de canteiros do s XVIII orixinaria de Santiago de Loureiro (Cotobade). Destacaron especialmente os irmáns Lourenzo e Pedro Sarrapio , que realizaron diferentes obras de cantaría e arquitectura na catedral de Tui, das que destacan a reedificación dunha torre e o arranxo da capela de San Telmo. Tamén destacou Manuel Antonio Sarrapio , mestre de obras na igrexa de San Xoán de Amorín (1780).

Familia de militares e políticos españois. José Primo de Rivera y Ortiz de Pinedo (Algeciras 1777-Sevilla 1853), foi ministro de Mariña, Comercio e Ultramar (1839) e de Facenda (1839), senador e capitán xeneral de Cádiz (1848-1849). O seu fillo Rafael Primo de Rivera y Sobremonte (Montevideo 1813-Cádiz 1902) foi gobernador militar de Huelva, comandante militar en Trinidad (Puerto Rico) e no castelo de La Cabaña (Cuba). Posteriormente ascendeu a capitán xeneral de Andalucía (1868-1869), València (1869) e Puerto Rico, así como conselleiro de estado (1870) e director xeral de Artillaría. O seu irmán Fernando Primo de Rivera y Sobremonte (Sevilla 1831-Madrid 1921), primeiro marqués de Estella, foi capitán xeneral de Castela a Nova (1880 e 1890-1893) e de Filipinas (1880-1883 e 1897-1898), capitán xeneral do exército, ministro da guerra (1907-1909 e 1917) e presidente do Consello de Guerra e Mariña (1920-1921). O seu sobriño Miguel...

Familia de actores xaponeses, vinculada ao xénero do teatro kabuki. Comezou a súa andaina en 1660 co nacemento de Danjuro I, ao que seguiron doce xeracións de actores, Danjuro XX, nacido en 1946, foi o último deles, unha verdadeira institución teatral no país.