Temas
Familia de escultores e decoradores alemáns. Joseph Anton Feichtmayr (Linz 1696 - Mimmenbausen 1770) responsable das decoracións, entre outras, da igrexa de Neu-Birnau e da abadía de Saint Gall; e Johann Michael II Feichtmayr (Haid 1709? - Augsburgo 1772), que traballou, entre outras, na abadía de Zwiefalten e no castelo de Bruschal.
Familia de arquitectos franceses activos nos ss XVII e XVIII. Fremin de Cotte (s XVII), arquitecto real, escribiu Explication facile et briefve des cinque ordres d’arquitecture (Explicación doada e breve das cinco ordes arquitectónicas, 1644). Tamén foron arquitectos o seu fillo Charles de Cotte (?-1662) e os seus netos Louis de Cotte (?-1742), membro da Acadèmie des Beaux Arts, e Robert de Cotte (París 1656-Passy 15.7.1735), o máis destacado da familia. Foi arquitecto da corte (1689), director da manufactura real dos Gibelinos (1700) e sucedeu o seu mestre, Jules Hardouin-Mansart, no cargo de primeiro arquitecto do rei (1708). Con Mansart traballou na capela do palacio de Versalles (1708-1710) e na construción da Cúpula des Invalides. Sen afastarse do clasicismo francés, suavizou o rigorismo académico. Realizou a reconstrución do coro de Notre Dame de París (1708-1714) e construíu, entre outros, o Hôtel de...
Familia de actores e comediógrafos italianos integrada polos irmáns Titina (Nápoles 1898 - Roma 1963), Eduardo (Nápoles 1900 - Roma 1984) e Peppino (Nápoles 1903 - Roma 1980). No 1932 constituíron a compañía de teatro humorística I De Filippo, dirixida por Eduardo, e tamén traballaron no cine.
Familia de impresores establecida en Santiago de Compostela ao redor de 1672. O seu fundador, Antonio Fraiz Piñeiro , puido ter unha orixe lisboeta, ligada ao impresor Antonio Piñeiro, ou ben puido ser oriúndo da Ulla. Tirou do prelo unha Respuesta teológica (1673) e as Ordenanzas de la Real Audiencia de Galicia (1679), entre outros títulos. O seu fillo, Benito A. Fraiz , estivo á fronte da imprenta entre 1700 e 1706. Exerceu ademais como capelán maior do Hospital Real e tivo amizade con profesores da Universidade de Santiago. Tivo como colaborador no obradoiro tipográfico a Jacinto del Canto. O seu irmán, Andrés Fraiz , tivo tres fillos que herdaron o negocio familiar. O primeiro deles, Andrés Fraiz , realizou diversos traballos editoriais entre 1719 e 1760 (Anales del Reino de Galicia. Tomo I, 1733), e mesmo algúns relacionados coa Inquisición. Entre 1760 e 1765, o seu outro fillo ...
Familia de artistas e científicos italianos. Giulio Danti (Perugia 1500 - 1575) arquitecto e ourive, traballou no palacio dos Priores en Foligno e, entre outras obras, realizou o tabernáculo da igrexa inferior de Asís. O seu fillo Vicenzo Danti (Perugia 1530 - 1576), arquitecto, escultor e tratadista, foi discípulo de Ammanti. Traballou en Florencia e Perugia, onde foi profesor na Accademia del Disegno e arquitecto municipal. Cultivou un manierismo estilizado, influenciado pola admiración á obra de Michelangelo. Entre as súas obras destacan o bronce Degolación de san Xoán Bautista (1571), na porta sur do baptisterio da catedral de Florencia, e a figura de bronce do Papa Xulio III, situado en Perugia. Escribiu o primeiro volume do Tratado das perfectas proporcións (1567). O seu irmán Ignazio Danti (Perugia 1536 - Alatri 1586), matemático e tratadista, foi matemático do Papa Gregorio XIII. Realizou mapas de...
Familia de arquitectos franceses dos ss XVI e XVII orixinarios de Dreux. Clément Métezeau (Dreux 1479-1555) fixo a casa consistorial e traballou na igrexa de Saint-Pierre, ambas as dúas en Dreux. O seu neto Louis Métezeau (Dreux 1560-París 1615), arquitecto do rei, fixo a parte superior da Grande Galerie do Louvre e efectuou os planos da Place des Vosges en París. O seu irmán Clément Métezeau (Dreux 1581-París 1652) proxectou a Place Ducale de Charleville, en París, comezou a igrexa do Oratoire e fixo a fachada da de Saint-Gervais e o dique de La Rochelle (1628).
Familia de financeiros de orixe vasca. Estanislao Urquijo y Landaluce (Murga, Araba 1817 - Madrid 1889), I marqués de Urquijo, dedicouse ao comercio e á bolsa en Madrid. O seu fillo Juan Manuel de Urquijo y Urrutia (Murga, Araba 1843 - Madrid 1914), II marqués de Urquijo, ampliou os investimentos na industria pesada e fundou o Banco Urquijo (1870).
Familia de pintores e decoradores alemáns, notables representantes do Barroco bávaro do século XVIII. O pai Hans George (Rott 1649 - 1711) foi pintor de frescos en Benediktbeuern e Fürstenfeld. Os seus fillos Cosmas Damian Asam , pintor, (Benediktbeuern 1689 - Weltenburg 1739) e Egid Quirin Asam (Tegernsee 1692 - Mannheim 1750), escultor e estucador, foron tamén arquitectos. Ambos os dous traballaban case sempre en conxunto. Viaxaron a Roma (1712-1713) onde estudiaron as obras de Bernini, Pietro de Cortona e Andrea Pozzo, entre outros. Ao seu regreso introduciron o gusto italiano no Barroco bávaro. Das súas obras destacan o altar maior de Rohr, a restauración do interior da Catedral de Freising, a Igrexa de Weltenburg, mostra do ilusionismo barroco, a decoración da abadía de Einsiedeln (Suíza) e a Igrexa de Johann-Nepomuk (1733-1735), en Múnic, máximo expoñente do seu estilo. Cosme Damian pintou os frescos da igrexa abacial de Osterhofen...
