Temas
Publicación aparecida na Coruña a partir do 14 de xullo de 1853. Subtitulada “Periódico de intereses materiales y morales, de literatura y teatros”, editábase os xoves e os domingos.
Semanario de información xeral editado en Vigo dende 1993. Dirixida por Francisco Gómez-Soto, conta con correspondentes na maioría dos países europeos e americanos onde residen os emigrantes galegos. Inclúe ademais achegas literarias e conta coa colaboración de destacados escritores e intelectuais de Galicia.
Publicación de tendencia conservadora editada en Mondoñedo a partir de xullo de 1930. Subtitulouse “Revista mensual. De la Unión Regional de Federaciones de Sindicatos Agrícolas”. Dirixiuna Antonio Maseda Bouso. Incluíu información referida á agricultura, sobre todo coñecementos útiles e aspectos técnicos, e datos sobre o traballo desenvolvido polas federacións adscritas.
Publicación de carácter cultural fundada e dirixida por Manuel Andújar e José Ramón Arana. Editouse en dúas etapas distintas entre 1946 e 1956. A partir de 1957 modificou a súa cabeceira pola de Diálogo de las Españas. Nos seus artigos incluíu unha gran diversidade de tendencias e orientacións políticas e culturais.
Publicación subtitulada “Órgano de información de POVISA” e editada en xaneiro de 1986 en Vigo. Consta de diversas seccións, como “Punto de vista”, “Entrevista”, “Noticias de enfermería”, “Reportaje”, “Historia de la medicina”, “Actualidad médica” ou “Noticias cortas”. Introduce temas variados nos apartados de “Página infantil”, “Sociedad”, “Humor”, “Docencia” ou “Incidencias del personal”. Aínda que naceu co obxectivo de informar o persoal sanitario, co tempo ampliou os seus contidos e pasou a tratar temas de interese xeral. Amais do persoal do centro, conta, entre outras, coas colaboracións de Manuel Orío, Ángeles Domenech, Eugenio Eiroa, Manuel Lombao, María Méndez e J. García Sánchez.
Publicación manuscrita que apareceu en 1899 en Muros e que cesou ao ano seguinte. Colaboraron na súa redacción Ramón de Artaza Malvárez e Xoán Xosé Rodríguez Lojo.
Publicación editada en Montevideo a partir do 15 de setembro de 1918. Cesou a súa edición o 11 de xaneiro de 1919. Subtitulouse “Semanario regional”. Dirixida por Xosé María Barreiro, foi o continuador de Tierra Gallega.
