Temas
Semanario vigués de carácter socialista, fundado en 1917 por Ricardo Mella Serrano, fillo do pensador anarquista Ricardo Mella Cea.
Semanario publicado en La Habana a partir de outubro de 1908. Cesou ese mesmo ano (nº39). Subtitulado “de información, recreo, ciencia e instrución”, foi dirixido por Luís E. Rey e manifestouse contario ao caciquismo.
Publicación editada en Santiago de Compostela a partir de outubro de 1988. Subtitulouse “Guía de la onda corta” e tivo unha periodicidade bimestral. Foi unha guía de todas as emisoras de onda curta en funcionamento, co seu nome, frecuencia, idioma, país ou claves empregadas.
Publicación de carácter militar editada polo Instituto Social de las Fuerzas Armadas no Ferrol. Apareceu nos anos oitenta do século XX. Incluía artigos e fotografías sobre cuestións diversas relacionadas co exército.
Publicación mensual e bimestral aparecida en Bos Aires en 1927. Subtitulouse “Órgano de la sociedad Finisterre en América”. Dirixiuna Joaquín de Haz Ugarte. Contén fundamentalmente información societaria, completada con novas e artigos sobre a comarca de Fisterra, feitos históricos e poemas. Incluíu ademais abundantes fotografías de actos institucionais e imaxes de paisaxes de Fisterra.
Publicación mensual que xurdiu en febreiro de 1976 en Ourense e que levaba por subtítulo “Orgao das CC OO ourensáns”. Desapareceu na súa quinta edición. A redacción era bilingüe, con predominio do galego. Na cabeceira levaba o titular de “Chispa”, e presentaba un parafuso no medio da última letra. Cada exemplar informaba sobre as actividades que levaba a cabo o movemento obreiro, tanto en Ourense coma no resto de España.
Semanario de tendencia republicana editado en Marín a partir de 1912 que cesou en 1914. Dirixido por Sebastián Catá, tiña unha tiraxe de seiscentos exemplares. Trátase dunha publicación que nacera en 1896 co título de El Eco Marinense.
Publicación de carácter relixioso aparecida en Santiago de Compostela no último cuarto do século XX. Contaba con diversas colaboracións como a de Xosé González Paz, quen publicou un traballo titulado “Apuntes heráldicos de canónigos orensanos”.
