Temas

Publicación editada en Montevideo entre o 5 de xullo de 1805 e setembro de 1819. Subtitulouse “Periódico quincenal de actualidad gallega”. Trátase dunha publicación satírica que incluíu numerosos debuxos.

Publicación editada en Bos Aires a partir do 27 de abril de 1879. Cesou na súa primeira etapa o 14 de novembro de 1880 (nº 73). Subtitulado “Periódico semanal. Órgano de los intereses de su nombre”, o seu director foi César A. Cisneros Luaces. A súa segunda época abarca entre o 7 de xaneiro e o 27 de xuño de 1883. Posteriormente, entre o 2 de maio de 1888 e o 9 de maio de 1889 viviu unha terceira etapa. A cuarta e última desenvolveuse en Montevideo entre o 3 de marzo e o 2 de novembro de 1895. Imprimiuse nos obradoiros tipográficos de E. de Mársico. Serviu como voceiro do Centro Galego e incluíu información sobre actualidade, historia e costumes de Galicia, xunto con algúns textos literarios.

Publicación bilingüe subtitulada “Revista galega de información general”, que apareceu en Caracas en novembro de 1984. Na dirección contou con Manuel Ponte e no grupo de colaboradores destacaron, entre outros, Ramón Coutiña, Manuel Álvarez Quiroga e Noemí Candón. É unha revista de carácter informativo orientada á comunidade galega emigrante na que se incluían, sobre todo, temas culturais.

Publicación aparecida en Santiago de Compostela a partir de xullo de 1988 (nº0). Subtitulouse “Revista universitaria de investigação científica”. Dirixida por José António Fernandes Malde, tentou converterse nun medio para a edición de traballos en lingua galega (reintegracionista) relacionados con Galicia. A partir do seu número 1º pasou a titularse Folhas de Cibrão e redactouse en portugués.

Publicación deportiva aparecida en Ferrol en 1947. Cesou a súa edición ao ano seguinte. Editada por Petybal, imprimiuse nos obradoiros tipográficos de Manufacturas de Papel e nos talleres Cervantes. Incluíu resultados e clasificacións dos equipos galegos e, fundamentalmente, información sobre o Rácing de Ferrol.

Publicación de periodicidade mensual editada en La Habana entre decembro de 1939 e agosto de 1940. Editada baixo o subtítulo “Órgano de Hermandad Gallega”, tivo como director a Xerardo Álvarez Gallego. De carácter galeguista, defendeu a democratización da Hermandad Gallega en Cuba. Incluíu contos, poemas e ilustracións de A. Castelao e M. Maside.

Publicación quincenal editada en Ourense a partir do 1 de xuño de 1880, que   cesou a súa edición aos poucos números. Subtitulouse “Revista dedicada a la defensa de la Enseñanza y del Magisterio”. Imprimiuse nos obradoiros tipográficos de La Propaganda Gallega. Dirixida por Aureliano Ares de Parga, foi unha publicación, de carácter educativo, pioneira en Galicia.

Publicación iniciada no 1643 por Jean Bolland dedicada á edición crítica das vidas dos santos da Antigüidade e Idade Media.

Publicación editada en Santiago de Compostela a partir de 1913. Cesou a súa edición en 1918. Subtitulouse “Revista de Medicina Clínica y Experimental”. Dirixírona R. Novoa Santos, A. Novo Campelo, S. Martínez Gómez, N. Carrero Goyanes e L. Blanco Rivero. Dedicada aos especialistas do sector, tiña unha tiraxe de 500 exemplares.