Temas

Publicación editada no s XX pola Enxebre Orde da Vieira e pola Asociación Cultural da Vieira, ambas de Madrid, na que se reflicte a realidade das sociedades galegas de emigrantes espalladas por todo o mundo.

Publicación aparecida en Santiago no ano 1914. A súa periodicidade era ocasional.

Publicación bilingüe editada en Bilbao a partir de novembro de 1981 e subtitulada “Boletín dos grupos Terra Nai e Pascual Veiga ao coidado do Departamento de Cultura”. A partir de 1982 subtitulouse “Voceiro do Departamento de Cultura Casa de Galicia en Bilbao”. Á parte da sección “Presentación”, incluía debuxos e fragmentos do libro Cousas, de Castelao, algúns artigos en castelán no apartado “A las andadas”, textos de Neira Vilas, diversos poemas en galego, artigos sobre a celebración do Ano Santo Compostelán e do Pórtico da Gloria, e reportaxes onde se analizaba a figura de distintos políticos galegos, como Manuel Fraga e Domingo García-Sabell. Esta revista ten relación coas publicacións O Noso Afán, O Curruncho, O Currunchiño, Follas Novas e Revista de la Casa de Galicia, editadas na mesma cidade.

Publicación aparecida en Carballo o 10 de febreiro de 1909 e que cesou a súa edición o 20 de xullo do mesmo ano. Fundado e dirixido por Xervasio Varela, contaba coa colaboración de Eduardo S. Serrano, Guillermo Díaz e Hernán Sáez, entre outros. Tiraba tres números ao mes e imprimíase nos obradoiros tipográficos do propio director. Ademais de noticias de carácter xeral e crónicas, incluíu unha guía para agricultores, un álbum poético e información histórica sobre Carballo e a súa comarca.

Publicación de periodicidade anual que se editou entre os anos 1810 e 1847. Malia que inicialmente foi coñecido como Calendario General para España del año 1810, arreglado por D.P.V. y V. para Galicia (imprenta de D. Manuel María Vila, A Coruña), deseguida adoptou o nome definitivo. A súa impresión realizábase cada ano nun obradoiro distinto das cidades de Santiago, A Coruña ou Valladolid, dependendo de quen tivera o privilexio exclusivo.

Publicación aparecida o 10 de xaneiro de 1867 na Coruña e que cesou o 30 de decembro do mesmo ano. Dirixida por Darío García e Pantaleón Prieto, subtitulábase “Periódico de primera enseñanza de la provincia de La Coruña”. Saía tres veces ao mes e imprimíase nos obradoiros tipográficos de Eusebio Cascante. Contaba coas seccións “Editoriales”, “Rectorado”, “Junta Provincial e Inspección”, “Variedades” e “Correspondencia”. Incluía artigos referidos á mellora da calidade do ensino e das escolas, principalmente no que atinxía aos mestres e aos primeiros anos do ciclo formativo.

Publicación mensual de tendencia rexionalista editada en Vilalba o 15 de decembro de 1918 e subtitulada “Revista informativa literaria”. Colaboraron nela: Ramón Cabanillas, Leandro Carré, Lesta Meis, A. Peña Novo, A. Rey Soto e Noriega Varela, entre outros. Tamén incluía poemas de Francisco Salgado, Urbano R. Moledo e Daniel Pernas.

Publicación editada en Bos Aires a partir do 5 de febreiro de 1913. Subtitulada “Órgano de la Sociedad Pro Escuela en Bandeira: Continuación de Fomento de la Instrución Gallega”, estivo promovida por esta asociación e substituíu a Fomento de la Instrución Gallega, voceiro desta entidade en 1909.

Publicación editada na Coruña a partir de xullo de 1883, e que cesou en 1887. De tendencia anarquista, estivo dirixida por Pedro Barreiro. Aínda que se presentaba como semanario, a súa aparición foi irregular. Tivo dúas etapas; na primeira, ata 1884, exerceu como voceiro da “Sociedade de Carpinteiros”, mentres que na segunda, entre maio de 1886 e xaneiro de 1887, representou a Federación de Trabajadores de la Región Española. Foi a primeira publicación galega claramente anarquista.