Temas

Publicación aparecida en 1972 editada por Ediciós do Castro. Inclúe diversos traballos sobre cultura material en Galicia e sobre arte e industria. No seu número 88, de xuño de 2001, realizouse unha homenaxe á figura de Lois Tobío.

Publicación de periodicidade mensual editada en La Habana entre decembro de 1939 e agosto de 1940. Editada baixo o subtítulo “Órgano de Hermandad Gallega”, tivo como director a Xerardo Álvarez Gallego. De carácter galeguista, defendeu a democratización da Hermandad Gallega en Cuba. Incluíu contos, poemas e ilustracións de A. Castelao e M. Maside.

Publicación quincenal editada en Vigo a partir de 1897 co subtítulo de “Defensor de los intereses de la produción”. Fundada e dirixida por Vicente Fuster, o seu obxectivo principal era ser o instrumento de comunicación da industria e do empresariado da cidade. Despois dunha breve suspensión, reapareceu novamente entre 1900 e 1910.

Publicación aparecida na vila de Celanova a finais de 1942. Foi editada polo Comité de Unión Nacional. Tivo unha curta vida, pois cesou a comezos do ano 1943. Trátase dun boletín que foi publicado clandestinamente na prisión de San Rosendo.

Publicación trimestral en galego aparecida en Silleda en 1994 e subtitulada “Revista informativa sobre a Comarca de Deza”. Editada pola Asociación de Hostelería de Lalín, cesou a súa edición en 1999. Coordinada por Manuel Núñez, contaba coa colaboración de Daniel González, Xan Liñares, Anxo Oro, Xosé Luna, Mónica Balo e Carmen Lastres, entre outros. Incluía información sobre aspectos económicos, deportivos, sociais e de infraestruturas dos concellos que integran a comarca: Agolada, Dozón, Lalín, Rodeiro, Silleda e Vila de Cruces. Ademais, engadía artigos sobre a historia, a música, a arquitectura e o medio natural da comarca. Cómpre subliñar, tamén, as referencias a mostras de pintura e escultura. No apartado “Aula literaria”, incluía poesías, pequenos textos literarios e artigos sobre xornais ou publicacións antigas destes concellos, ou mesmo referencias a autores galegos, como Manuel García Barros Ken Keirades.

Publicación subtitulada “Órgano de información de POVISA” e editada en xaneiro de 1986 en Vigo. Consta de diversas seccións, como “Punto de vista”, “Entrevista”, “Noticias de enfermería”, “Reportaje”, “Historia de la medicina”, “Actualidad médica” ou “Noticias cortas”. Introduce temas variados nos apartados de “Página infantil”, “Sociedad”, “Humor”, “Docencia” ou “Incidencias del personal”. Aínda que naceu co obxectivo de informar o persoal sanitario, co tempo ampliou os seus contidos e pasou a tratar temas de interese xeral. Amais do persoal do centro, conta, entre outras, coas colaboracións de Manuel Orío, Ángeles Domenech, Eugenio Eiroa, Manuel Lombao, María Méndez e J. García Sánchez.

Publicación periódica fundada por Jaume Vicens i Vives en 1953. Publicada primeiro pola Editorial Teide, posteriormente pasou a depender da facultade de Xeografía e Historia da Universitat de Barcelona. Reflite publicacións históricas.

Publicación relixiosa editada en Lugo a partir de 1983. Subtitulada “Movimiento bíblico diocesano. Boletín de comunicación bíblica.” Dirixida por José A. González García, incluíu información e noticias sobre as actividades da Igrexa, bibliografía e poesía de carácter relixioso na sección “Rincón poético”.

Publicación aparecida na localidade de Redondela en 1895.