Temas

Publicación que saíu á luz en Lugo, en decembro de 1861. Cesou a súa edición en 1868. Soto Freire era á vez o seu impresor e redactor. Tiña unha periodicidade irregular e, do mesmo xeito ca outros, estaba impreso en folio español.

Publicación mensual aparecida na Coruña en abril de 1935 e que desapareceu en xullo de 1936 (só se publicaron oito números). Francisco Díaz Sánchez, mestre na escola de Iñás, foi un dos seus impulsores. Nel tamén colaboraron, entre outros, Xosé Toba Fernández, Manuel Díaz Rozas e Xosé Peinado Altabre. Foi o órgano de prensa da Sociedad de Renovación Pedagógica Vanguardia Pedagógica (1934). Nas súas páxinas recollíanse artigos de opinión, de información e orientación pedagóxica, e referencias á dinámica educativa na provincia da Coruña e á política educativa republicana.

Publicación mensual aparecida ao redor do ano 1977 na Coruña. Editada no colexio Santa María del Mar, que cesou a súa publicación pola prohibición da Delegación Provincial de Información e Turismo, imprimiuse nos obradoiros tipográficos de La Voz de Galicia. En setembro dese mesmo ano apareceu co título HAY QUE VER...!! e incluíu entrevistas e diversos artigos críticos contra a burocracia do Estado que impediría a súa publicación.

Publicación editada en Barcelona a partir do 1 de febreiro de 1978. Subtitulada “Voceiro da Emigración Galega en Barcelona”, foi promovida por un grupo de nacionalistas galegos que residían nesa cidade. De natureza política, incluíu colaboracións literarias, tamén cun marcado compromiso político.

Publicación aparecida en Ferrol en 1933.

Publicación editada en Bos Aires dende o 15 de agosto de 1941 ata o 1 de maio de 1944. No seu encabezamento reproduce máximas de Alfredo Brañas. Dirixida por Vicente Barros e Antón Castro, na súa elaboración participaron algúns membros da Sociedade Nazonalista Pondal, que xa editaran en 1926 unha publicación co mesmo nome, ademais de militantes comunistas. Cunha temática principalmente política, dende as súas páxinas tentaban impulsar un proxecto de unidade nacional antifascista.

Publicación editada na Coruña a partir de 1829. Cesou en 1839. Impresa por Pascual Arza nos seus obradoiros, foi un xornal sen periodicidade fixa, pois a súa saída estaba motivada polas circunstancias. Incluíu as informacións máis relevantes do momento. A partir de 1837 editouno Francisco Arza, fillo de Pascual.

Publicación de carácter social que se editou en Montevideo entre o 1 de febreiro e o 1 de decembro de 1959. Subtitulada “Boletín Cultural e Informativo da Casa Compostelana”, saíron seis números.