Temas

Capital do estado de Sinaloa, México, situada na marxe dereita do río San Lorenzo (696.262 h [1995]). É un importante centro agrícola (cana de azucre, millo, piña, algodón e froitas) e gandeiro (vacún e porcino). As industrias téxtiles complementan a súa economía. Fundada polos colonizadores no s XVI, o seu crecemento demográfico foi extraordinario, posto que é o núcleo dunha área mineira e agrícola en plena expansión. Do seu patrimonio cultural cómpre salientar a catedral (s XVIII) e o antigo hospicio, convertido en palacio municipal.

Cidade do estado de Bihār, India (461.212 [1991]). A súa economía baséase na industria siderúrxica.

Departamento de Guatemala (2.063 km²; 270.055 h [estim 2000]). A súa capital é Jalapa (23.884 h [1994]).

Monte do SO de Chipre, situado no NL de Mandria que constitúe a altitude máxima da illa (1.953 m).

Cidade situada no condado de Kent, Inglaterra, Reino Unido, á beira do río Medway e 45 km ao L de Londres (52.505 h [1981]). Constitúe a conurbación de Medway towns coas cidades de Chatham e Gillingham. Do seu patrimonio cultural destaca a catedral, que se comezou cara a 604, e se reestruturou en 1077.

Praia do litoral atlántico, situada entre as de Fontán e O Touro, na parroquia de Carreira (Ribeira).

Municipio da provincia de València, Comunitat Valenciana, situado en La Ribera Alta, no val baixo do río Albaida (2.450 h [2001]). A industria céntrase nos derivados da agricultura.