Temas

Río de América meridional, un dos afluentes máis longos e caudalosos do Amazonas (3.210 km). Nace en Perú, ao L da Cordillera Oriental, penetra en Brasil e atravesa os estados de Acre e Amazonas.

Río do land da Baixa Austria, Austria, afluente do Danubio pola dereita (126 km). Desemboca no Danubio preto da cidade de Ybbs.

Cidade da prefectura de Fukushima, na illa de Honshū, Xapón (119.289 h [estim 1991]). Antiga cidade-fortaleza, hoxe é un núcleo agrícola e comercial que mantén unha industria artesanal (lacas, sake, artigos de madeira).

Río de Córdoba, Andalucía, afluente pola dereita do Guadalquivir (145 km). Nace en Sierra Morena.

Monte da comarca do Salnés, situado no límite das parroquias de Meis e Nogueira (concello de Meis) coa de San Xoán de Poio (concello de Poio). O seu cumio, de 609 m de altitude, domina as rías de Pontevedra e Arousa, e todo o val do Salnés.

Golfo da costa meridional de Arxentina, situado entre as provincias de Chubut e de Santa Cruz, entre o cabo Dos Bahías ao N e o cabo Tres Puntas ao S.

Municipio de Badajoz, Extremadura, situado nunha chaira entre pequenas serras de escasa altitude (1.586 h [2001]).

Cantón do NL de Suíza que se estende pola vertente setentrional dos Alpes do mesmo nome (685 km²; 38.708 h [2000]). A capital é Glarona (5.600 h [1994]). É unha rexión montañosa que comprende a conca do río Linth e os seus afluentes, ata o lago de Wallensee. O relevo está formado por unha sucesión de cadeas calcarias que separan o val do Linth e o do alto Rin. A poboación, de lingua alemana, é escasa e mantense practicamente estancada, a causa do illamento das rutas comerciais do país. A economía baséase na cría de gando bovino e nunha industria téxtil de longa tradición. É importante a produción de enerxía hidroeléctrica.

Monte situado no extremo NO da parroquia de Vilacova (Lousame). O seu cumio acada os 529 m de altitude.