Temas

Municipio da provincia de Barcelona, na comarca de Anoia (3.148 h [1996]). Asentado sobre litoloxía calcaria; a actividade económica máis importante é a industria, especialmente a de materiais de construción. Tamén destacan as fábricas de plásticos e de maquinaria, así como as industrias téxtiles e alimentarias.

Municipio e capital da comarca de Pla d’Urgell, situado na provincia de Lleida, Catalunya (10.004 h [2001]). Son importantes o gando porcino e as granxas de aves. Os principais sectores industriais son o alimentario, a industria do papel e o sector das artes gráficas.

Municipio da provincia de Málaga, Andalucía, situado nun amplo val drenado polo río Guadalhorce (12.713 h [1996]). Ten unha agricultura mediterránea baseada na produción de cítricos e de produtos de horta. Tamén destaca a gandería e as industrias alimentarias. No lugar hai restos dunha antiga fortaleza árabe.

Municipio da provincia de Albacete, Castela-A Mancha, drenado polo río Mundo que forma o encoro de Talave (1.597 h [2001]). A economía céntrase nos cultivos mediterráneos (cereais, patacas, vide, oliveiras e hortalizas) e na gandería bovina e porcina. Son típicas as manufacturas de esparto.

Municipio da provincia de Sevilla, Andalucía, drenado polo Guadimar (4.936 h [1996]). A súa economía é eminentemente agropecuaria, baseada nos cultivos mediterráneos (cereais, vides, legumes, froitas e oliveiras). As actividades industriais redúcense á transformación dos produtos do agro. A vila atópase na liña de ferrocarril de Sevilla a Huelva.

Municipio da provincia de Córdoba, Andalucía, situado ao NL da capital provincial (3.703 h [2001]). A agricultura baséase nos cereais e nas oliveiras, e no gando porcino e lanar.

Municipio da provincia de Almería, Andalucía, na beira dereita do río Adra (47.610 h [1996]). É un importante centro agrícola, industrial e comercial. Gran parte da industria e do comercio relaciónanse con actividades de elaboración e comercialización de produtos hortofrutícolas, empresas de transportes e fabricación de material para invernadoiros. Do seu patrimonio cultural destacan o mausoleo romano de El Daymún, a cidade romana de Murgi, a torre fortificada de Balerma (s XVIII) e o castelo de Guadias Viejas (s XVIII).

Municipio de La Rioja, situado ao SO de Logroño (2.211 h [2001]). A agricultura e a gandaría son predominantes. Posúe industrias de louza e cerámica. É unha vila de aspecto medieval que cobrou vida despois de que Afonso VIII lle outorgarse foro (1195). Está situado á beira do Camiño Francés de Peregrinación a Santiago.

Municipio da provincia de València, Comunitat Valenciana (2.069 h [1996]). As actividades agropecuarias constitúen a súa base económica, especialmente a agricultura, ao destacaren o cultivo de vide, oliveiras e árbores froiteiras; na gandería sobresaen o armentío porcino e as explotacións avícolas. Pertencente á baronía de Rugat, nun principio, e aos duques de Gandía, despois, foi un foco de poboación mourisca. A igrexa parroquial da Asunción iniciouse en 1536.