Temas

Municipio da provincia de Sevilla, Andalucía, (29.282 h [2001]), situado ao N da capital provincial. Destaca na agricultura, na gandaría e nas industrias derivadas e na construción.

Municipio da provincia de Badajoz, Extremadura, drenado polos ríos San Xoán e Matachel (2.031 h [1996]). Ten unhas termas romanas e un castelo de orixe árabe.

Municipio da provincia de Toledo, Castela-A Mancha, situado no límite con Madrid, ao N do río Tajo (5.324 h [2001]). Ten industria alimentaria.

Municipio da provincia de Cáceres, Extremadura, situado ao pé da serra de Montánchez e drenado polo canal de Orellana (9.763 h [2001]). Destaca a agricultura de regadío, cos cultivos de tabaco, algodón, hortalizas e forraxes, e as industrias alimentarias.

Municipio da provincia de Girona, Catalunya, situado no treito do litoral mediterráneo que recibe a denominación turística de Costa Brava (27.713 h [1996]). A súa economía, tradicionalmente baseada no sector primario, e máis en concreto na agricultura e na pesca, experimentou na segunda metade do s XX unha transformación cara a unha especialización turística, debido á explotación dos seus recursos naturais, principalmente as praias. Dende finais do s XIX adoptou un carácter de residencia estival para as familias burguesas de Barcelona e doutras cidades catalanas. O desenvolvemento deste sector turístico contribuíu a que a súa poboación medrase máis dun 560% dende 1920. O seu porto, que foi un activo centro de comercio con América, reconverteuse cara ás actividades deportivas náuticas. A igrexa de Santa María, mencionada xa no 974 como posesión monacal, pasou no 1058 ao bispado de Girona. No 1319 converteuse en parroquia. O castelo de Blanes pertencía aos vizcondes de Girona, subinfeudado...

Municipio da provincia de Burgos, Castela e León (172 h [2001], situada á beira do Camiño Francés de Peregrinación a Santiago. Consérvase un cruceiro que data de 1556.

Municipio da comarca do Bierzo, integrado na provincia de León, comunidade de Castela e León (459 h [1996]). A súa actividade económica céntrase na produción de cereais, legumes e castañas, ademais da cría de gando.

Municipio da provincia de Albacete, Castela-A Mancha, situado ao S da capital provincial e atravesado polo túnel de Talave (1.838 h [2001]).

Municipio da provincia de València, Comunitat Valenciana (14.209 h [2001]). A base agraria é o regadío, coa laranxeira como principal cultivo. A industria tivo un forte desenvolvemento, destacando a preparación de materias primas para a industria da construción, cemento, cerámica e metalurxia.