Temas

Dirixente nazi. Ingresou no partido en 1932 e acadou o grao de coronel das SS. Nomeado director da Oficina de Asuntos Xudeus (1940), elaborou o Plan Madagascar, que avogaba pola expatriación dos xudeus a esta illa africana, pero que pronto foi substituído pola ‘solución final’, que planeaba o exterminio total do pobo xudeu nos campos de concentración. Trala derrota alemana, refuxiouse en Sudamérica e foi condenado en rebeldía polo tribunal de Nuremberg. Capturado en Bos Aires en 1960 e trasladado a Israel, foi de novo xulgado en 1961 e executado ao ano seguinte.

Fotógrafo. Coñecido como Tim Nachum Gidal, colaborou coas revistas Münchner Illustrierte Press e Picture Post. En 1930 participou nunha exposición sobre a primeira experiencia televisiva no Deutches Museum. Nunha viaxe á India realizou unha reportaxe sobre Mahatma Gandhi que o levou a ser coñecido mundialmente. Foi tamén redactor xefe da revista militar Parade. En 1948 instalouse nos EE UU e traballou na revista Life e como profesor na Nova Escola de Investigacións en Ciencias Sociais. Publicou Deutschland-Beginn des modernen Photojournalismus (1972) e Modern Photojournalism: Origin and Evolution 1910-1933 (1974).

Poeta inglés. Foi a figura capital do primeiro romanticismo inglés. En 1793 publicou An Evening Walk e Descriptive Sketches, ás que seguiron Lyrical Ballads (1798), co poeta S. T. Coleridge, The Prelude (1805, publicada en 1850), The Excursion (1814), Ecclesiastic Sonnets (1822) e o poema inacabado “The Recluse” (1888).

Pintor e escultor. Instalado en Lugo desde 1980, experimentou con augaforte, acuarela, técnicas mixtas, óleo e madeira. Realizou esculturas en bronce, metal e aluminio para os pintores e arquitectos Vaquero Turcios e Vaquero Palacios, e traballou para Paradores Nacionales de España. Da súa produción destaca o cadro Panorámica de Ribadeo (2002).

Escritor mozárabe cristián moi influínte en Córdoba no s IX. Escribiu a vida de Euloxio e combateu os erros do apóstata Eleazar. Entre os seus libros destaca Indiculus luminosus (854), epístolas e poemas.

Pintor e gravador flamengo. Pintou interiores, naturezas mortas e vistas urbanas. Recibiu a influencia dos mestres holandeses do s XVII.

Raíña de Aragón, filla de Filipe III de Navarra. Casou en 1338 con Pedro IV de Aragón e foi nai de Costanza, nada en 1340, raíña de Sicilia.