Brockhouse, Bertram N.

Físico canadense. Participou na Segunda Guerra Mundial como radiotelegrafista; cando esta rematou, no 1945, iniciou os seus estudios de física e matemáticas na Universidade da Columbia Británica, que logo continuou na Universidade de Toronto. No 1950 trasladouse a Ontario, onde traballou no laboratorio Chalk River e na Universidade McMaster de Hamilton sobre a difusión dos neutróns polos núcleos dos átomos. Perfeccionou a espectroscopia de neutróns, empregada no estudo de toda clase de materiais, polo que compartiu, no 1994, o Premio Nobel de Física con Clifford G. Shull.

Cronoloxía