Temas

Municipio da provincia de València, Comunitat Valenciana (2.381 h [2001]). A súa economía baséase na agricultura e nos procesos industriais de conservación e comercialización derivados dela.

Municipio da provincia de Cáceres, Extremadura, situado na beira dereita do río Tajo, que forma no seu termo o pantano de Alcántara (2.557 h [1996]). Do seu patrimonio cultural destacan, entre outros, a ponte de Alconétar, declarada Ben de Interese Cultural (BIC) en 1931, os restos do convento de San Antonio de Padua (s XV), BIC desde 1991, o palacio dos condes de Alba de Aliste e a Plaza Mayor (s XV).

Municipio da Comunidad Autónoma de Madrid, situado ao pé da serra de Guadarrama (28.328 h [1996]). Tradicionalmente, as actividades gandeira (vacúa e ovina) e agrícola, tiveron grande importancia. A proximidade a Madrid aumentou nos últimos anos a actividade industrial, principalmente a metalurxia e as industrias alimentarias, químicas e de papel. Dentro da vila cómpre destacar a igrexa da Asunción, de estilo gótico, a capela de Santa Ana, gótica-isabelina, e o castelo de Viñuelas.

Municipio da provincia de Ciudad Real, Castela-A Mancha, situado no Campo de Montiel e bañado polo río Jabalón (1.676 h [2001]). A economía baséase na agricultura e na gandaría.

Municipio da Comunidad Foral de Navarra, na Terra de Tafalla (1.676 h [1996]). A súa actividade industrial baséase nos seus recursos agrarios (cereais e vides). Cómpre salientar entre o seu patrimonio cultural as igrexas de San Pedro e San Saturnino (ss XII-XIII).

Municipio da provincia de Zaragoza, Aragón, situado na confluencia do río Ebro co Guadalope (7.770 h [1996]). O sector agrícola desenvolve plantacións de oliveiras, trigo e amendoeiras. As principais industrias son as dos derivados da produción de aceite e fariña. En 1412 tivo lugar a reunión que acordou o chamado Compromiso de Caspe.

Municipio de Murcia, que delimita ao O con Andalucía (11.331 h [2001]). A súa economía baséase na agricultura, a gandaría e as industrias derivadas. Destaca o castelo, declarado BIC en 1997.

Municipio da provincia de Málaga, Andalucía, situado en El Campo de Antequera e regado polo río Guadalhorce (4.841 h [2001]).

Municipio da provincia de València, Comunitat Valenciana, situado na chaira aluvial da confluencia dos ríos Xúquer e Albaida (7.089 h [1996]). A agricultura de regadío e a gandería, sobre todo porcina, son as principais actividades económicas, aínda que tamén hai industria de conservas, de papel, de mobles e de materiais de construción. De orixe islámica, foi lugar real desde a conquista e Xaime I de Aragón incorporouna a Xàtiva. Foi independente, administrativamente, entre 1587 e 1708, data na que perdeu esa condición ata 1731 por apoiar o candidato austríaco durante a Guerra de Sucesión. A igrexa parroquial da Asunción, probablemente do s XV, reconstruíuse despois do terremoto de 1748. En 1901 inaugurouse o asilo de Sant Domènec cunha igrexa neogótica.