Temas
Municipio da provincia de Córdoba, Andalucía, situado en La Campiña, ao pé da serra de Cabra (22.925 h [2001]). O termo pertence a unha rexión de viños de gran calidade, e é un centro comercial e industrial con fábricas de alcol e de augardente, fariñeiras e curtidoiras. Conserva o pazo dos duques de Medinaceli e a casa de Garcilaso de la Vega.
Municipio da Comunidad Autónoma de Madrid, situado ao L do río Jarama e bañado polo Tajuña (5.823 h [2001]). A economía está bastante diversificada, e combínanse as actividades do sector primario, agricultura e gandaría coas industriais do sector alimentario e téxtil.
Municipio da provincia de Ávila, Castela e León, situado en La Tierra de Arévalo e regado polo río Trabancos (1.916 h [2001]). É un centro agrícola, con cultivo de viña, trigo, legumes e patacas, ademais de posuír gandería ovina. Do seu patrimonio cultural destacan as murallas (s XIII), a igrexa de San Nicolás de Bari, de estilo románico-mudéxar, e a casa onde naceu Isabel I.
Municipio de Asturias, situado ao NO de Oviedo (2.145 h [2001]). A súa economía baséase na agricultura, a minaría e o turismo.
Municipio de Murcia, situado ao NO do sistema montañoso do Campo de Caravaca (8.593 h [2001]). A agricultura é a principal actividade económica, cun predominio do regadío con cultivos de froiteiras, hortalizas e forraxe. Tamén ten importancia a gandaría. Do seu patrimonio cultural destaca o castelo situado no núcleo antigo, reconstrución dunha antiga fortaleza árabe; e atopáronse restos iberos en Los Castillos.
Municipio da provincia de Burgos, Castela e León, situado ao NO da capital provincial e bañado polo río Brullés (1.924 h [2001]). A súa economía baséase no cultivo de cereais.
Municipio da provincia de Jaén, Andalucía, situado na serra de Segura e delimitado ao L por Albacete (4.267 h [2001]). É un mercado agrícola ademais de destacar na produción de enerxía eléctrica.
