Temas

Río afluente do Miño pola dereita. Nace no lugar de Agrosantiño, na parroquia de Vales, concello de San Cristovo de Cea, no límite coa parroquia de Aguada, concello de Carballedo. O seu curso adopta unha dirección O-SL coa que drena esta última parroquia e segue polas de Búbal e Oleiros (Carballedo), nas que limita coa parroquia do Souto, no concello da Peroxa. Desemboca no lugar dos Peares, na parroquia homónima, no límite entre os concellos da Peroxa e Carballedo.

Río de Asia de 1.591 km de lonxitude, que nace en Kazakhstán, no altiplano de Siberia Occidental, atravesa os oblasti rusos de Kurgan e T’umen’ e desemboca no Irtyš.

Río de Patagonia (500 km). De réxime nival, nace nos Andes, na vertente nororiental do cumio de Fitz Roy, atravesa os lagos Viedma e Lago Argentino, penetra na Patagonia e desemboca no Atlántico, nun esteiro ao N de Bahía Grande.

Río do L de Australia. Nace na vertente marítima da Great Dividing Range e desemboca na baía de Keppel, ao S de Rockhampton, despois dun percorrido de máis de 600 km.

Río de Moldavia e de Ucraína, cunha lonxitude de 1.411 km. Nace na ladeira N dos Cárpatos, preto de Dorogobuž, segue unha dirección NO-SL e desemboca no Mar Negro nun amplo esteiro ao S de Odessa.

Río que nace na parroquia de Loureda, baña as de Morás, Arteixo e Oseiro, onde forma o encoro de Rosadoiro (Arteixo) e desemboca no Atlántico, onde forma unha foz ao N da praia de Alba.

Río afluente do Barbaña, tamén chamado dos Muíños. Nace na parroquia de Parderrubias, no concello da Merca. O seu curso adopta unha dirección S-N e penetra nos concellos de San Cibrao das Viñas, Barbadás e Ourense, cidade na que desemboca.

Río afluente pola esquerda do Verdugo. Nace na serra do Cando, a 880 m de altitude, na parroquia de Covelo (concello da Lama). Nos seus primeiros metros adáptase á tectónica virando de dirección, primeiro S-N, e logo, facendo o linde da parroquia de Covelo coa de Caroi (concello de Cotobade), SL-NO. No lugar de Fraguas desta última parroquia muda cara á que será a súa dirección ata a desembocadura, aproveitando unha fractura en sentido NNL-SSO. Continúa marcando o límite municipal da Lama con Cotobade ata a súa captura polo Verdugo, que se produce no lugar de Sucastro, entre as parroquias da Lama e de Augasantas, respectivamente.

Río do NO de Francia de 285 km de lonxitude, afluente pola dereita do Loire. Nace nos outeiros de Perche e constitúe unha das pólas nais do Maine.