Temas

Río de Castela e León, na conca do Duero, afluente do Pisuerga pola dereita (178 km). Nace en Peña Prieta, na Cordilleira Cantábrica, e ten un réxime pluvionival cunha forte estiaxe.

Río que nace no monte Rexo da Ucha, na parroquia de Cures (Boiro) e desemboca na ría de Arousa.

Río da rexión das chairas interiores dos EE UU, afluente do río Arkansas (1.544 Km). Nace en Sangre de Cristo Range, nas Rochosas meridionais, estado de Novo México, e atravesa os estados de Texas e Oklahoma. É de réxime pluvial.

Río de Kazakhstán que nace na serra de Mugodžary e desemboca no Mar Caspio, despois dun percorrido de 680 km. Próximos á súa desembocadura hai importantes xacementos de petróleo.

Río que nace na parroquia de Xuño, concello do Porto do Son, ao pé da Serra de Barbanza pola vertente occidental, a unha altitude de 200 m. Logo dun percorrido en sentido N-SSL, desemboca na lagoa de Carregal, na parroquia de Olveira do concello de Ribeira.

Río do NO de EE UU, afluente do Missouri, con 1.080 km de percorrido. Nace nas vertentes da cima Yount dos montes Absaroka, ao NO do estado de Wyoming, penetra no Yellowstone Nacional Park e baixa en fervenzas cara ao Parque de Gardiner (Montana). Desemboca no Missouri, preto de Buford, en Dakota do Norte. Os seus principais tributarios son o Bighorn, o Tongue e o Powder.

Río de 195 km formado pola confluencia, en Al-Qurna, do Tigris e do Éufrates e que, en parte, constitúe a fronteira entre Irán, ao L, e Iraq, ao O. Desemboca en delta no Golfo Pérsico.

Río de Suecia situado ao N do país (410 km). Nace preto da fronteira con Noruega e vai desembocar ao Bottenviken, no golfo de Botnia.

Río que nace da confluencia dos arroios de Ponte Castro e O Fontal, na parroquia de Trasmonte (Friol), e desemboca pola dereita do río Parga.

Río de Rusia, afluente do Dvina Setentrional pola esquerda (575 km).