Temas

Río de África meridional de 600 km de lonxitude, situado en Malawi, emisario do lago Nyasa e afluente do Zambeze.

Río da India que nace en Chotanāgpur que, seguindo unha dirección O-L, se une no delta do Ganxes co Hugli, despois dun percorrido de 540 km. O seu val é unha área carbonífera co potencial hidroeléctrico máis importante do Estado.

Río de Polonia, afluente do Vístula (444 km), que nace nos Cárpatos, na fronteira con Ucraína, e desemboca ao NL de Sandomierz.

Río de EE UU de 724 km de lonxitude. Está dividido en dous cursos, o do N nace no lago Otsego e atravesa o estado de Pennsylvania ata a cidade de Sunbury, onde se une coa corrente O, que nace nos montes Allegheny, e desemboca na baía de Chesapeake, no Atlántico.

Río do NO de Rusia, próximo á chaira de Valdaj, de 1.200 km de lonxitude. Pasa por Vitebsk, Polock, Daugavpils e desemboca no Mar Báltico, no golfo de Riga.

Río afluente pola dereita do Landro. Nace nas estribacións meridionais dos montes de Cabaleiros, da confluencia dos regos de Cordeiras e da Fraga, no límite das parroquias de Vilacampa (concello do Valadouro) e Miñotos (Ourol). Drena esta última parroquia e desemboca no Landro logo dun percorrido duns 6 km de dirección L-O.

Río de Grecia. Nace no monte Pindos, rega a chaira de Agrinion e desemboca, logo dun percorrido de 220 km, no mar Xónico, á entrada do golfo de Patres. O nome popular grego é Aspropótamos.

Río de Turquía, o máis importante da costa meridional con 500 km de lonxitude. Nace no Antitauro e desemboca no Mediterráneo despois de pasar pola cidade de Adana.

Río de Europa Central (398 km). Nace na vertente meridional dos Alpes de Fischbach, na rexión de Estiria, entra en Hungría e desemboca no Danubio pola dereita, pasada a cidade de Győr.

Río da Italia central (100 Km). Nace ao pé do monte Tarino, nos Apeninos, forma un cadoiro de 108 m de altura preto da cidade de Tívoli e desemboca ao N de Roma.