Temas

Semanario de carácter deportivo aparecido entre os anos 1908 e 1910 na Coruña.

Semanario aparecido na Pobra do Caramiñal en 1916.

Semanario publicado en Lisboa a partir do 13 de setembro de 1886. Cesou o 18 de xullo de 1887 (nº 45). Subtitulouse “Periódico hispano-lusitano. Político. Independente”. De talante republicano, liberal e laico, foi redactado por un grupo de galegos residentes en Lisboa e dirixido por Isidro Vilarino, ata que foi expulsado de Portugal por un artigo aparecido neste xornal.

Semanario editado en Baiona a partir de 1903. Baixo o subtítulo de “Semanario independente”, publicouse os domingos co obxectivo de defender os intereses municipais do Val Miñor con humor e sátira. Dirixido por Cándido del Río Giménez, tivo unha segunda época a partir de 1907.

Semanario aparecido en Chantada entre 1908 e 1910. Cesou a súa edición ao redor de 1912. Fundouno e dirixiuno Xosé Costa Figueiras.

Semanario publicado na Coruña a partir do 5 de agosto de 1868. Cesou o 24 de agosto dese ano (nº 3) pola autoridade gobernativa. Subtitulado “Periódico literario, humorístico y de circunstancias”, todos os artigos eran anónimos.

Semanario de carácter satírico aparecido na cidade de Santiago de Compostela no ano 1909.

Semanario de tendencia católica que apareceu na vila de Mondoñedo o 25 de xuño de 1885.

Semanario publicado en Pontevedra a partir de 1889 que cesou en 1891. Subtitulouse “Semanario churrusqueiro” e “Semanario de intereses e literatura rexionales” (nº10). Fundado por Francisco Portela, reapareceu (outubro de 1889) promovido por Rufino Rivera. Cunha orientación popular, incluíu composicións literarias (contos, poesías e relatos humorísticos).