Temas

Semanario aparecido en Santiago de Compostela o 19 de decembro de 1885. Subtitulado “Avechucho semanal, republicano, casi-serio y nocturno”, o seu ton foi satírico e mordaz. Manifestou o seu apoio ao xefe do partido democrático-progresista, Manuel Ruíz Zorrilla.

Semanario de tendencia republicana editado na Coruña a partir de 1905. Cesou a súa edición ao redor de 1913. Tiña unha tiraxe de 800 exemplares e difundía información económica e comercial.

Semanario aparecido en outubro de 1879 en Santiago de Compostela. Fundado e dirixido polo mestre Ramón Álvarez Pérez, tentaba defender os intereses dos profesores de ensino primario.

Semanario de carácter obreirista, editado en Vigo na segunda metade do ano 1919. Dirixiuno o propagandista libertario David Díaz, expulsado de EE UU e Cuba.

Semanario que se publicou en Ourense a partir de 1870. Subtitulado “Periódico católico-monárquico”, foi fundado por Celedonio Osorio, Venancio Moreno e Urbano Ferreiroa. Incluíu notas informativas breves e artigos de opinión sobre a orixe dividida do poder, a monarquía e a necesidade de que a Igrexa participara na política. Pola súa tendencia carlista e defensora dos intereses eclesiásticos, mantivo fortes polémicas co semanario El Eco del Liceo, de carácter liberal.

Semanario editado en Vigo a partir do 10 de xullo de 1881. Cesou o 14 de agosto do mesmo ano (nº2). Dirixido por Luís A. Mestre, e coa colaboración de Indalecio Armesto, a maior parte dos seus contidos foron políticos. Foi o primeiro xornal con caricaturas da prensa viguesa, realizadas por Verísimo Vázquez.

Semanario comarcal editado a partir de 17 de outubro de 1911 en Verín. Subtitulouse “Semanario defensor de los intereses del distrito”. Dirixido por Laureano Peláez e Eladio Fuentes, incluía artigos de información comarcal e política, datos de divulgación agraria e colaboracións literarias. Puido ter unha segunda época de edición entre 1945 e 1946.

Semanario escolar publicado en Ourense a partir de maio de 1943. Cesou ao redor de xuño de 1947. Subtitulado “Semanario del Reformatorio de Menores de Osera”, foi dirixido, redactado e impreso polos propios alumnos do obradoiro tipográfico do reformatorio, e incluíu artigos de deportes e sobre os relixiosos e a vida dos internos.

Semanario de carácter anticaciquil, editado en Betanzos entre agosto de 1900 e xuño de 1902 (nº 82). Nunha primeira etapa foi dirixido por Xosé Bartolomé Vidal e Xoán Gómez Navaza e contou co apoio de todas as correntes políticas contrarias ao caciquismo liberal dominante na política municipal. A partir de agosto de 1901 radicalizou as súas posicións, apoiando a candidatura do PSOE nas eleccións municipais e servindo de voceiro oficioso da Asociación de Obreros Agricultores de Betanzos. Neste derradeiro período, estivo baixo a dirección do dirixente agrario Bernardo Miño Abelenda. Incluíu o folletín O catecismo da Doutrina Labrega, de Marcos da Portela. Desapareceu debido ao influxo da censura gobernativa.

Semanario satírico ilustrado editado na Coruña entre finais do s XIX e principios do XX. Fundouno e dirixiuno Eladio Fernández Diéguez.