Temas

Semanario publicado na Coruña a partir do 5 de agosto de 1868. Cesou o 24 de agosto dese ano (nº 3) pola autoridade gobernativa. Subtitulado “Periódico literario, humorístico y de circunstancias”, todos os artigos eran anónimos.

Semanario que apareceu en Santiago de Compostela probablemente o 1 de novembro do ano 1918, e desapareceu non antes do mes de febreiro de 1923. Como director figuraba Jacobo Varela Limia e entre os colaboradores estaban o galeguista Rof Codina, Mario Labarta e Nicolás García de los Salmones. As diferentes seccións eran “Editorial”, que contiña información sobre a CNCA e artigos de formación sindical, “Noticias” onde se recollía a información sobre actos dos sindicatos federados, artigos técnicos sobre o gando, enfermidades, coidados das terras ou fertilizado, e unha sección de “Avisos” dirixida aos sindicatos con respecto ás mercancías do almacén cooperativo.

Semanario publicado en Santiago de Compostela a partir de 1838. Cesou ese mesmo ano (nº27). Subtitulouse “Periódico de Agricultura, Ciencias Naturales y Artes dedicado a la Sociedad Económica de Amigos del País de Santiago y publicado bajo su inmediata protección”. Fundado e dirixido por Xosé Mª Gil Rey, foi a primeira publicación ilustrada en Galicia. Xunto a artigos de física, agricultura ou historia natural, incluíu litografías con debuxos de Ramón Gil Rey, o que foi posible ao editarse nos obradoiros de Xosé Núñez Castaño, un dos introdutores desta técnica en Galicia.

Semanario publicado en Ortigueira a partir do 4 de xuño de 1916. Subtitulado “Semanario defensor de los intereses generales de Ortigueira y su comarca”, o seu fundador, propietario, director e impresor foi Xesús Fojo. De carácter informativo, dedicoulle especial interese aos temas agropecuarios e pesqueiros de carácter local e comarcal, así como ao ensino e ás colaboracións literarias. Na década de 1940, o fillo do fundador, David Fojo, fíxose cargo do xornal.

Semanario aparecido en Chantada entre 1908 e 1910. Cesou a súa edición ao redor de 1912. Fundouno e dirixiuno Xosé Costa Figueiras.

Semanario publicado en Tui a partir do 19 de marzo de 1933. Cesou en 1936. Subtitulado “Semanario popular”, o seu director e propietario foi Guillermo Vicente de Santiago. De tendencia republicana, anticaciquista e anticlerical, apoiou o Estatuto de Autonomía.

Semanario de tendencia liberal publicado en Marín entre 1902 e 1909, tivo como subtítulo “Semanario de intereses generales”. Fundado e dirixido por Sabas C. Catá, en 1903 tivo unha segunda época.

Semanario de tendencia católico-tradicionalista publicado en Pontevedra a partir de 1915. Fundado por Facundo Hinojal e dirixido por Ansines López, funcionou como órgano oficial da Comunión Legitimista da provincia.