Temas

Poetisa. Foi accionista da editorial Galaxia dende a súa fundación e conselleira da Alliance Française de Santiago de Compostela. Colaborou en Radio Galicia con recitais poéticos de autores galegos dirixidos aos emigrantes e publicou poemas en La Voz de Galicia e La Noche. Dooulle a súa biblioteca ao concello de Betanzos. Publicou Nas orelas do Mendo (1982).

Fotógrafo. Comezou a expoñer regularmente en 1985. Ademais de colaborar en revistas especializadas, como Álbum, Arte Fotográfico e Diorama, expuxo a súa obra no Centro Nacional de la Cultura de La Habana, na Real Sociedad Fotográfica de Madrid e na Casa de Galicia en Madrid. En 1997 creou e dirixiu a galería Artegrafía, dedicada a expor obra gráfica en Madrid.

Actor e director de dobraxe. Formado en arte dramática, exerceu como profesor de teatro para nenos. Poeta do Grupo Chamartín de Madrid, foi representante de España en diversos certames internacionais de teatro. Introdutor das técnicas da dobraxe en Galicia, foi director artístico de dobraxe en Estudio 1.

Médico e escritor. Licenciado en Medicina pola Universidade de Santiago de Compostela, exerceu en Lugo. Publicou o estudo médico Las preocupaciones en Medicina. Conocimientos útiles de la familia. Reglas para conservar la salud, para no dejarse engañar por los curanderos y para conocer a los médicos (1896), e no ámbito da literatura cultivou unha gran diversidade de xéneros. En poesía destacan Cousas de mulleres (1895), Pasaxeiras (1898) e Gallegadas, con alegrías de la tierra (1908); en prosa escribiu A cruz de salgueiro (1893), onde combina os temas de Galicia con cuestións universais, e en teatro publicou a comedia de costumes O chufón (1915).

Profesor. Membro do consello de redacción da revista Terra, foi cofundador da Sociedade Galega de Xeografía. No seu labor literario destacan traballos sobre a didáctica da cartografía, como “La Cartografía y su utilización en la didáctica de la Geografía” e Mapas, búsolas e itinerarios (1991). Recibiu o Premio Nacional de Educación Física.

Franciscano. Dende 1542 participou na evanxelización de América Central. Debido ao coñecemento que tiña das linguas indíxenas (guatemalteco, cachiquil, utlateco e tzutucil), publicou un catecismo bilingüe (español-cachiquil) e un vocabulario en lingua guatemalteca, do que non se conserva ningún exemplar.

Eclesiástico. Formado en Santiago de Compostela, exerceu coenxías en Salamanca e Mondoñedo e foi elixido membro do consello do Rei. Posteriormente marchou a Perú onde foi bispo de Guamanga e despois de Quito. Nomeado vicerrei de Perú e arcebispo de Santa Fe, renunciou a ambos os dous cargos.

Pintor. Realizou mariñas, bodegóns, paisaxes e tipos populares. Foi tamén anticuario en Lisboa.