Temas

Ilustrador e guionista de cómic. Subdirector da mostra Viñetas desde o Atlántico e fundador do fanzine Interlínea (1983), promoveu en Radio ECCA o programa Arte Alfa, dedicado ao mundo da ilustración, e colaborou no Xabarín Club da TVG como Doutor TNT. Autor da serie “Os heresiarcas”, con debuxos de Das Pastoras, editada en Centroeuropa e EE UU, publicou algúns dos seus traballos en Atlántico Diario, Frente Comixario, Krazy Comics, El País e Totem, e a serie “O labirinto de pedra” (1995-2000) na revista Compostelán. Recibiu o premio ao mellor autor afeccionado (1991) da Casa da Xuventude de Ourense.

Realizador cinematográfico. Licenciado en Ciencias da Información e en Imaxe en Madrid, os seus primeiros contactos co cine producíronse a través do Club Amateur da Coruña. En 1971 dirixiu as curtametraxes Antón 70, A costa de Lugo e O encontro, en formato súper 8. En 1972 creou, xunto con Xavier Iglesias e Miguel Gato, o Grupo Enroba, co que realizou as curtametraxes, tamén en súper 8, Foi Grass (1972) e A morte do Mariscal (1973). Tamén dirixiu as curtametraxes O documento (1974), en 16 mm, e O cadaleito (1976), en 35 mm.

Futbolista e adestrador. Debutou como profesional no R. C. Deportivo de la Coruña en 1953 e ese mesmo ano fichou polo F. C. Barcelona, co que conseguiu dúas ligas (1958-1959 e 1959-1960). En 1961 fichou polo Internazionale de Milán ata 1971, co que conseguiu tres ligas, a Copa de Europa e a Copa Intercontinental (1964-1965). En 1971 retirouse no Sampdoria. Debutou na selección española en 1957, xogou 32 partidos como internacional e participou nos mundiais de Chile (1962) e Inglaterra (1966). Adestrou, entre outros equipos, ao Inter de Milán e á selección española (1988-1991). Recibiu o Balón de Ouro en 1960.

Licenciado en Dereito pola Universidade de Santiago de Compostela, dedicou a súa vida ao exercicio da avogacía e ao estudo do Dereito Civil Galego.

Ingresou na Academia Galega de Xurisprudencia e Lexislación no 1970. Foi Deputado no Parlamento de Galicia entre 1985 e 1989.

En 2003 recibiu o premio honorífico Cidade de Pontevedra outorgado polo Concello "pola súa traxectoria vital na loita pola recuperación da memoria histórica, exemplo de honestidade e entrega comprometida co noso tempo e coa nosa terra, no que se personalizan os valores democráticos e de solidariedade". En 2011, o goberno de España concedeulle a Medalla ao Mérito do Traballo.

Escritora. Licenciada en Xeografía e Historia e Filoloxía Hispánica, é profesora de lingua e literatura galegas de ensino secundario.   Publicou os libros Un ano de fábula en catro estacións (1994) e As ás de Xenoveva (1996), clasificados como literatura infantil, a colección de relatos Saturno tamén é Deus (1997) e o conto “O nacemento da humanidade”, no libro colectivo Mini.relatos (1999).

Actriz e dramaturga. Vinculada á Compañía Matarile, na Sala Galán en Compostela desenvolveu a súa actividade como directora de escena en espectáculos como Andante, Zeppelín número 7, Negro e Negro, Teatro para camaleóns, The Queen is dead ou A brazo partido. Tamén participou na realización de coproducións con compañías como Provisional Danza, Cambaleo ou Andrés Corchero, a organización de cursos de formación teatral, coloquios e conferencias ou a coordinación do Festival La Alternativa e do Festival de Danza En Pé de Pedra. Recibiu o Premio María Casares de dirección de escena (2000) por The Queen is dead.