colleita

1. s f

   1. Conxunto de froitos que dá a terra e se recollen nunha época concreta do ano, xeralmente unha única vez no ano. Na tradición oral recóllense ditos como: “Colleita mollada é media anada”.

      Ex: Nos últimos tempos a colleita de millo non foi boa.

      Sinónimos: anada, recolleita.

   2. Produto que se obtén a través da transformación dos froitos.

      Ex: A colleita do azucre foi moi boa.

      Sinónimos: recolleita.
2. s f

   Acción e efecto de recoller produtos agrarios.

   Ex: Este ano a colleita da uva fixémola en dous días.

   Sinónimos: apaña, recolección, recolleita. Confrontacións: ceifa.
3. s f

   Tempada da recollida dun produto do campo.

   Ex: Se non chove antes da colleita teremos moi bo viño.

   Sinónimos: recolección, recolleita. Confrontacións: ceifa.
4. s f [ALIM]

   Viño dunha colleita determinada.

   Sinónimos: anada.

Refráns

• A boa anada non a leva vento nin xeada.
• Anada por anada, máis vale a seca cá mollada.
• Anadiña pouca, anadiña moita, vai chegando unha coa outra.
• Cando Deus dá a anada non a tolle chuvia nin xeada.
• Colleita mollada é media anada.
• Máis anada dá o ano cá boa labra do campo.
• Os arredores grandes fan as colleitas pequenas.
• Sacha, esterca e, se o fas ben, terás boa colleita.