catarómetro

Elemento principal dun tipo de analizador de gases que determina as proporcións constituíntes de certas mesturas ao comparar as condutividades térmicas destas coa dun gas patrón. As diferencias de condutividade térmica entre os dous gases comparados provocan quentamentos diferentes de dúas resistencias somerxidas neles e que pertencen a distintas pólas dunha ponte de Wheatstone; isto provoca un desequilibrio da ponte, medido polo galvanómetro. Emprégase como detector na análise de gases industriais e na cromatografía de gas-líquido.