Compostela

Revista que comezou a editarse en Bos Aires a partir de 1950 co subtítulo de “Órgano Oficial del Centro Santiago de Compostela Mutual y Cultural”. Entre os seus colaboradores figuraban Serafín R. Yustine, Manuel Calvo Riobó, María López e Bernardo Bouzas. Esta publicación incluía información sobre a institución a través das seccións “Sociales” e “Nuestras fiestas”. Tamén inseriu artigos de carácter cultural sobre Santiago de Compostela e Galicia en xeral. Ía ilustrada con algunhas fotografías de diversos actos sociais e de Galicia.