Conakry

Capital da República de Guinea, que constitúe a rexión homónima (308 km²;1.090.610 h [1993]). O aumento da poboación viuse favorecido pola súa capitalidade e polo protagonismo da cidade como centro comercial, industrial e administrativo, grazas ao seu porto natural. Os principais produtos de exportación son o café, o aluminio e as laranxas. A industria está en pleno desenvolvemento, especialmente a derivada da madeira, a alimentaria e a de plásticos.