Temas
Capital da provincia de Jujuy, Arxentina, situada a 80 km ao N de Salta, na vertente oriental do Nevado del Chani (226.961 h [1999]).
Capital do kraj de Moravia Meridional, en Moravia, República Checa, na confluencia dos ríos Svratka e Svitava (388.889 h [1996]). Dominada pola fortaleza de Špilberg, está situada sobre unha conca terciaria cuberta de sedimentos de loess. É un centro agrícola e comercial onde a industria téxtil ten tradición dende o s XVIII. Ademais é un centro industrial moi diversificado, destacando os sectores da maquinaria, química, téxtil, e de fabricación de armas e instrumentos musicais. Encrucillada do ferrocarril e de estradas, ten aeroporto. Conta con diversos centros de ensino superior: a Universidade J. E. Purkyné, escola de enxeñería agrónoma fundada en 1919; a Universidade Politécnica de Brno, fundada en 1899; a escola universitaria de veterinaria (1899); e o conservatorio superior de música. É sede dunha das orquestras filharmónicas de máis sona do mundo. Posúe un circuíto de velocidade para motociclismo e automobilismo, no que se celebra, entre outros, o Gran Premio da República...
Capital do estado de Carolina do Sur, EE UU, situada nos contrafortes da cordilleira dos Apalaches, na confluencia dos ríos Broad e Saluda (112.773 h [1996]). É un importante núcleo de comunicacións. A base da súa economía é a agricultura, aínda que tamén destaca a industria téxtil. Posúe un importante centro de ensino superior: a University of South Carolina, fundada en 1801, e o Columbia College, creado en 1854.
Capital da provincia homónima, situada en Lombardia, Italia (39.636 h [2001]). Situada á beira do río Adda, é un centro agrícola destacado. Ten industria téxtil, alimentaria, de cristal e de maquinaria agrícola. Antiga Laus Pompeia, no s IV converteuse en sé dun bispado poderoso, enfrontado co de Milán. Destruída polos milaneses (1110) foi reconstruída por Federico I Barbarrubia en 1158. Xibelinos e güelfos alternáronse no goberno. En 1454 foi asinada a paz entre Francisco I de Milán e Venecia. A cidade foi asignada finalmente aos Sforza e seguiu a sorte do ducado de Milán. Entre os seus monumentos destacan o Broletto (ss XIII-XIV), a catedral (s XII) e a igrexa de San Francisco (ss XIII-XV).
Capital da provincia homónima, Cuba, situada na costa sur da illa, esténdese polos contrafortes orientais de Sierra Maestra (441.524 h [1999]). Posúe industrias alimentarias, químicas, téxtiles, de tabacos e fundicións. Fundada en 1514 por Diego de Velázquez, foi a capital da illa ata 1538. Foi o escenario da batalla naval entre España e EE UU o 3 de xullo de 1898, e a cidade foi ocupada polos estadounidenses e os insurrectos. En 1953, o asalto ao cuartel Moncada por Fidel Castro iniciou a guerra civil. Destaca o castelo de San Pedro de la Roca, declarado Patrimonio da Humanidade pola UNESCO (1997).
