Conchas, encoro das

Encoro sobre o río Limia, provocado pola presa das Conchas, situado no límite entre as parroquias de Parada de Ventosa (concello de Muíños) e San Martiño de Grou (concello de Lobeira). Asolaga 645 ha das parroquias de Barxés, Cados, Muíños e Parada da Ventosa (concello de Muíños), Os Baños e Nigueiroá (concello de Bande), Santa Comba (concellos de Bande e Lobeira) e Santa Cruz de Grou e San Martiño de Grou (concello de Lobeira). Propiedade de FENOSA, inaugurouse en 1948. Á súa beira está o xacemento arqueolóxico do campamento romano de Bande.