Temas

Encoro sobre o río Eume, entre os concellos das Pontes de García Rodríguez e Monfero. Ocupa unhas 450 ha no curso medio do río, a partir da presa construída entre San Pedro de Eume (As Pontes de García Rodríguez) e Queixeiro (Monfero). Nesa superficie acolle un volume de 123 Hm³ de auga. A presa, que se comezou a construír en 1955 e se rematou en marzo de 1960, foi a primeira de tipo bóveda de dobre curvatura en España. Propiedade de FENOSA na súa orixe, en 1986 pasou a pertencer a ENDESA.

Pantano que se creou coa construción dunha presa sobre o leito do río Mao, situado na conca do Sil, no concello de Montederramo. Conta cunha praia fluvial.

Encoro construído en 1966 no curso baixo do río Volta, Gana, cun dique de 130 m de altura e 650 m de longo.

Encoro sobre o río Xallas provocado pola presa do lugar da Fervenza, no límite entre as parroquias (e concellos) de Olveira (Dumbría) e Boas (Mazaricos). O encoro asulagou terras das parroquias de Olveira (Dumbría), Baos, Alborés e Antes (Mazaricos), Brandomil e Brandoñas (Zas) e Serramo (Vimianzo).

Encoro no río Columbia, no estado de Washington, EE UU. Rematouse de construír en 1942, e é un dos máis importantes do país en produción de enerxía eléctrica.

Encoro construído no río Guadiana, na provincia de Badajoz, Extremadura. Ten unha capacidade de 1.670 hm³ e emprégase para a rega (Plan Badajoz) e o funcionamento dunha central hidroeléctrica.

Pantano creado coa construción dunha presa sobre o leito do río Miño, entre as parroquias de Cudeiro e Velle, no concello de Ourense. Inaugurado en 1966, ten unha capacidade de 17 hm³, cos que alimenta unha central de produción de enerxía hidroeléctrica e ademais, xunto co encoro de Cachamuíña, abastece de auga á cidade de Ourense.

Encoro da provincia de Albacete, Castela-A Mancha, situado na cabeceira do Segura, na confluencia co río Tus. Ten unha capacidade de 203 hm³ e regula as augas do río para asegurar o regadío das hortas de Murcia.

Presa sobre o río Casoio, afluente do Sil, na parroquia de Sobradelo (concello de Carballeda de Valdeorras).