Temas

Presa sobre o río Casoio, afluente do Sil, na parroquia de Sobradelo (concello de Carballeda de Valdeorras).

Pantano creado sobre o leito do río Navia, situado nos concellos de Negueira de Muñiz e Grandas de Salime, en Asturias. Ten aproveitamento hidroeléctrico e posúe unha capacidade superior a 250 hm³ e unha lonxitude de 30 km. É apto para a navegación e a práctica de todo tipo de deportes náuticos.

Encoro creado en 1970 coa construción dunha presa sobre o leito do río Seixedo, situado na parroquia de Oseiro (Arteixo). Recolle as augas do río antes da súa desembocadura, na praia de Alba. Utilizado para o abastecemento de auga, ten unha altura de 16,5 m e un volume de 1,87 hm³.

Encoro sobre o río Eume, entre os concellos das Pontes de García Rodríguez e Monfero. Ocupa unhas 450 ha no curso medio do río, a partir da presa construída entre San Pedro de Eume (As Pontes de García Rodríguez) e Queixeiro (Monfero). Nesa superficie acolle un volume de 123 Hm³ de auga. A presa, que se comezou a construír en 1955 e se rematou en marzo de 1960, foi a primeira de tipo bóveda de dobre curvatura en España. Propiedade de FENOSA na súa orixe, en 1986 pasou a pertencer a ENDESA.

Encoro no curso alto do río Avia; recolle, principalmente, a auga do río Cardelle, aínda que tamén conflúen nel outros ríos (Couso e Valdeiras) e regueiros (Val de Cerdeiras, Cabaleiros, da Serra, Pallares, etc). Está situado no territorio dos concellos do Covelo, Avión e Leiro.

Encoro sobre o río Xallas provocado pola presa do lugar da Fervenza, no límite entre as parroquias (e concellos) de Olveira (Dumbría) e Boas (Mazaricos). O encoro asulagou terras das parroquias de Olveira (Dumbría), Baos, Alborés e Antes (Mazaricos), Brandomil e Brandoñas (Zas) e Serramo (Vimianzo).

Pantano creado coa construción dunha presa sobre o leito do río Sil, no concello de Carballeda de Valdeorras, no límite co concello de Rubiá. Ten unha superficie de 60,84 ha.

Pantano que se creou coa construción dunha presa sobre o leito do río Mao, situado na conca do Sil, no concello de Montederramo. Conta cunha praia fluvial.

Pantano creado coa construción dunha presa sobre o leito do río Camba. Abrangue unha superficie de 1.170 ha, entre os concellos de Vilariño de Conso e Castrelo do Val.