Temas

Pantano creado coa construción dunha presa sobre o leito do río Sil, situado no Canón do Sil, no límite entre os concellos de Nogueira de Ramuín e Sober. Ten unha superficie de 549,13 ha e 40 km navegables, nun tramo do río onde está profundamente encaixado.

Encoro do río Sil no termo municipal de Ponferrada (O Bierzo) cunha capacidade de 341 Hm³.

Encoro do río Lonia, provocado pola presa do lugar de Cachamuíña, na parroquia da Lamela (concello de Pereiro de Aguiar). Abastece de auga potable á cidade de Ourense.

Encoro no río Columbia, no estado de Washington, EE UU. Rematouse de construír en 1942, e é un dos máis importantes do país en produción de enerxía eléctrica.

Presa sobre o río Eume situada nas parroquias de Somede e As Pontes de García Rodriguez, no concello homónimo. Aproveitada por ENDESA para a obtención de enerxía eléctrica ten unha potencia de 5.360 kW, unha profundidade de 53 m e unha capacidade de 33 hm³.

Pantano creado coa construción dunha presa sobre o leito do río Bibei, situado entre os concellos de Ribas de Sil e Quiroga. O encoro abrangue unha superficie de 71,72 ha e está situado antes da confluencia do Bibei co Sil. A presa, construída por Iberdrola entre as parroquias de Peites (Ribas de Sil) e Montefurado (Quiroga), emprégase para a explotación dunha central hidroeléctrica cunha potencia superior aos 10 MW.

Encoro sobre o río Eume, entre os concellos das Pontes de García Rodríguez e Monfero. Ocupa unhas 450 ha no curso medio do río, a partir da presa construída entre San Pedro de Eume (As Pontes de García Rodríguez) e Queixeiro (Monfero). Nesa superficie acolle un volume de 123 Hm³ de auga. A presa, que se comezou a construír en 1955 e se rematou en marzo de 1960, foi a primeira de tipo bóveda de dobre curvatura en España. Propiedade de FENOSA na súa orixe, en 1986 pasou a pertencer a ENDESA.