consumidor -ra

Que ou quen consome.

Calquera persoa, dentro dun público obxectivo ou fóra del, susceptible de adquirir un produto ou facer uso dun servicio anunciado. Existen diferentes niveis dentro dese grupo obxectivo de consumidores, dende os que se lles cualifica como heavy users -aqueles que utilizan o produto de forma constante e en grandes cantidades-, ata os compradores ocasionais.

Axente económico que consome bens e servicios para satisfacer as súas necesidades. No libre mercado, o seu comportamento varía en función dos gustos persoais, os prezos e os niveis de renda.

Organización de asesoramento e defensa dos consumidores. En España, a Constitución de 1978, no seu artigo 51, aproba e fomenta a súa creación. As entidades máis destacadas son a Organización de Consumidores e Usuarios (OCU), creada en 1975, e a Unión de Consumidores de España (UCE). En Galicia constituíuse a Asociación de Consumidores Galegos (ACG).