¹ contra

1. Especie de porta interior ou exterior que serve para resgardar os vidros dunha fiestra e impedir o paso da luz.

   Ex: Houbo que pechar as contras para que a sarabia non rompese os cristais.

2. prep

   En oposición a ou en contraste con, tanto nun sentido material como inmaterial (

   Ex: Non foi quen de actuar contra o seu pai. Apóstoche tres contra un a que gaña o cabalo número seis). OBS: Tamén se emprega co mesmo significado contra de (Ex: Estaba sempre contra de seus irmáns). A expresión en contra (de) significa ‘en oposición a alguén ou algunha cousa que se expresa’ e, polo tanto, sempre implica enfrontamento (Ex: Os veciños están en contra do novo trazado da autoestrada. Esa asociación está en contra da violencia); o emprego desta expresión evita contextos ambivalentes como, por exemplo, Púxose contra dela (‘púxose mirando cara a ela’ ou ‘situouse na oposición a min’).

3. prep

   Indica o destinatario no que se detén algo que estaba en movemento (

   Ex: O coche bateu contra o muro. Apertouna contra si e non a soltou). OBS: Tamén se emprega co mesmo significado contra de (Ex: Abriu a cabeza contra dunha pedra).

4. prep

   Indica unha localización imprecisa tanto no espazo coma no tempo (

   Ex: Vive contra a zona esquerda da ría. A miña irmá chegará contra as nove). OBS: Nestes casos alterna con cara a, para e a (Ex: Botan fogos contra a/cara a parte de Carballiño. Chegou contra a/á mañá cedo).

5. prep

   Indica a posición dunha cousa que está apoiada noutra que está en posición vertical (

   Ex: Apoiei a escada contra a parede). OBS: Tamén se emprega co mesmo significado contra de (Ex: Arrimeime contra da árbore para non caer).

6. s m

   Circunstancia desfavorable ou contraria para a realización de certa cousa.

   Ex: Convén analizar os proles e os contras do argumento.

   Antónimos: prol.

Sinónimos

Citas

• Houbo que pechar as contras para que a sarabia non rompese os cristais.