Copa Federación

Competición internacional por nacións de tenis feminino. Creouse en 1963 para conmemorar as vodas de ouro da International Tennis Federation. Ao longo das sucesivas edicións foi variando a fórmula da competición: ata 1994, as eliminatorias xogábanse a tres partidos (2 individuais e 1 dobre). O palmarés do torneo encabézao EE UU, que posúe 17 títulos. En segundo lugar figura Australia, vencedora en 7 ocasións. España ocupa o terceiro lugar con 5 triunfos, igual que Checoslovaquia, aínda que as españolas xogaron tres finais máis (un total de 9). A República Federal de Alemaña, con dúas vitorias, e Francia e Sudáfrica con cadanseu título, completan o cadro de honor da competición.