Coquimbo

Rexión de Chile, no centro do país, entre as rexións de Atacama, ao N, e Valparaíso, ao S (40.656 km²; 569.800 h [estim 1999]). A súa capital é La Serena. Sitúase en latitudes subtropicais. No extremo oriental érguese a cordilleira dos Andes, que acada no Pico Mercedario, no SL da rexión, na fronteira coa provincia arxentina de San Juan, os 6.770 m de altitude. Ademais da capital, os principais núcleos urbanos son Coquimbo e Ovalle.