Temas

Rexión industrial ao NO de Birmingham, en Inglaterra, Reino Unido. Comprende unha parte dos condados de Staffordshire e de Warwickshire. Recibe este nome a causa do ennegrecemento da rexión producido polos fumes derivados da explotación das minas de ferro e de carbón no s XIX. Co tempo, continúa a ser unha rexión esencialmente metalúrxica.

Rexión do litoral báltico de límites flutuantes no curso do tempo, entre Prusia, ao L, e Mecklenburg, ao O. Cristianizada por Boleslao III (1086-1138) coa axuda de Lotario II, desde o s XII as terras próximas ao Oder (1135), vasalas de Lotario II, quedaron en mans dos antigos señores, que desde 1170 adoptaron os títulos de duques de Stettin e de Demnin. A zona oriental foi gobernada por duques nominalmente sometidos aos soberanos de Polonia. Conquistada (1308-1309) polos cabaleiros teutónicos, en 1466 reincorporouse ao reino polaco. Dividida e reunificada diferentes veces durante os ss XIV-XVII, en 1522 adoptou o luteranismo, e en 1637, ao se extinguir a vella dinastía eslava, foi obxecto de disputas, que se resolveron no Tratado de Westfalia (1648), atribuíndo a Suecia as bocas do Oder e a Brandenburgo o territorio restante. Os Hohenzollern de Brandenburgo e Prusia adquiriron unha parte da Pomerania sueca pola Paz de Estocolmo (1720) e o resto no Congreso de Viena (1815). Ao acabar a...

Rexión onde habitaban os vascóns.

Rexión de Bangladesh, no delta do Ganxes. Trátase dunha chaira formada por terreos aluviais e atravesada por numerosos ríos e canles que reciben as augas do Ganxes. Os principais núcleos urbanos son Barisāl, Patuākhāli e Vhālakāti.

Rexión do NO de Grecia, xunto a Albania, que se estende desde a vertente occidental da cordilleira do Pindo ata o Mar Xónico, e desde Albania ata o golfo de Arta (9.203 km²; 339.728 h [1991]). Divídese nos nomós de Arta, Iiánnina, Préveza e Thesprotikón. De relevo montañoso, o seu clima é mediterráneo, modificado pola altitude. Iiánnina, coa función de capital, é o centro económico, seguido de Préveza. As actividades agrícolas constitúen a base económica da rexión, na que tamén son importantes a industria téxtil e alimentaria. Poboada orixinalmente polos helenos, no s V a C establecéronse os molosos e formaron un estado federal baixo a dinastía dos Eácidas, que amosaron unha grande actividade política e militar durante o reinado de Pirro II (318 a C-272 a C). Trala morte do seu sucesor Alexandre (260 a C), desapareceu a monarquía e estableceuse unha república dirixida por tres estrategas. Os ilirios aproveitaron a crise e ocuparon o país (230 a C), aos que sucederon...

Rexión de Ghana (20.572 km²; 1.432.971 h [estim 1991]). A capital é Ho (55.286 h [1984]).

Rexión do L de Romanía, situada entre os Cárpatos e o val do Siret, ao O, e o val do Prut ao L, e que constitúe a fronteira co estado de Moldavia. Ten unha extensión aproximada de 37.400 km² e comprende a vertente L dos Cárpatos Orientais, que constitúe unha gran reserva de auga para a rexión S, unha zona subcarpática onde hai xacementos petrolíferos e de lignito e, máis ao L, unha sucesión de chairas e altiplanos. En conxunto é unha rexión rica e destaca a agricultura de cereais. A cidade máis importante é Iaşi.

Rexión de Madagascar, entre a costa occidental e a rexión de Bongo Lava. É unha rexión de relevo de cuestas, carstificada, cunha vexetación de sabana e estepa.

Rexión do SO de Asia Menor que se estendeu polas costas occidentais de Caria e as illas de Rodas e KÌs. Seis das súas cidades, Knidos, Halicarnaso, KÌs, Ialiso, Camiro e Lindos, formaron unha confederación, a hexápole. O centro estaba no templo de Apolo, no cabo Triopion, no que se celebraban as festas en honor dos deuses Posidón e Apolo. A confederación prosperou grazas ao comercio con Creta, Siria e Exipto, e gozou dun elevado nivel cultural.