Temas

Rexión histórica de Polonia, situada á dereita do río Oder e ao S de Pomerania. Combatida por Pomerania no s XIII, foi ocupada polos marqueses de Brandenburgo a mediados de século e ata o s XV, e dominada pola orde Teutónica. No s XVI converteuse en estado territorial ata 1815, cando pasou a Brandenburgo, excepto Dramburg e Schivelbein, que pasaron a Pomerania.

Rexión de Somalia (22.000 km²; 352.000 h [estim 1980]). A súa capital é Giohar (17.555 h [1964]).

Rexión de Portugal, formada polos distritos de Viana do Castelo e Braga (4.925 km²; 1.081.641 h [2001]). De relevo montañoso, continuación do Macizo Galaico, posúe unha estreita chaira litoral drenada polo río Miño que fai límite con Galicia, Lima e Cávado. A súa economía é basicamente agrícola e gandeira, ademais de contar cunha industria alimentaria e da madeira. O seu principal centro e capital é Braga.

Rexión do sur de Portugal situada entre o Texo e a serra do Algarve (426.418 km²). Dividida en Alto Alentejo (actualmente distritos de Portalegre e de Évora) e Baixo Alentejo (actualmente distrito de Beja e un terzo do de Setúbal), constitúe un peniplano cunha altura media de 200-300 m; destacan a serra de São Mamede (1.025 m) e a serra de Ossa (698 m). Os ríos agrúpanse en catro concas: a do Texo, a do Sorraia, a do Sado e a do Mira. O clima é continental e a vexetación típica está formada por aciñeiras e sobreiras. Cunha baixa densidade de poboación, predomina a propiedade latifundista dedicada ao cultivo intensivo de cereais, e á gandería porcina ovina e caprina. O Alentejo tivo un poboamento prehistórico moi importante nos comezos da Idade dos Metais, cunha das maiores concentracións de monumentos megalíticos máis grandes de todo o Occidente. Foi habitado despois polos lusitanos e na época romana foi comprendido dentro da provincia de Lusitania. As dúas cidades máis importantes...

Rexión situada ao O do río Leitha, creada en 1867 pola lei que regulaba a división administrativa do Imperio Austro-Húngaro (dividido a partir dese momento entre Cisleithania e Transleithania). Comprendía a Alta e Baixa Austria, Bohemia, Moravia, Silesia, Galitsia, Bukovina, Istria e Dalmacia. Desapareceu en 1918, trala fragmentación do Imperio Austro-Húngaro.

Rexión de Francia comprendida entre os departamentos de Yonne e Nièvre. A poboación está moi dispersa. O seu centro é Auxerre.

Rexión da República de Guinea (2.175 km²; 70.413 h [1983]). A capital é Fria (12.000 h [1965]).

Rexión de Somalia (25.000 km²; 570.700 h [estim 1980]). A súa capital é Merca (62.000 h [1964]).

Rexión dos EE UU que se estende desde Kansas e o L de Nebraska ata Ohio. O seu nome débese ao tradicional cultivo de millo, hoxe complementado con trigo, forraxes e gandería bovina e porcina. É unha das extensións de terreo cultivable máis grande do mundo.