Cortes

Municipio do SL da Comunidad Foral de Navarra, no límite con Aragón (3.196 h [1996]). Está drenado polo río Ebro e o Canal Imperial de Aragón e de Lodosa, feito que permite a existencia dunha agricultura de regadío baseada, fundamentalmente, no cultivo da remolacha azucreira e de produtos de horta. Tamén posúe gandería ovina e bovina, ademais dunha certa actividade industrial relacionada co sector metalúrxico. Do seu patrimonio destacan as ruínas do castelo de Cortes, do s XIII.