Cottbus

Cidade de Alemaña, no land de Brandenburgo (118.463 h [1998]), situada na chaira de Lusacia, na beira esquerda do río Spree, preto da fronteira con Polonia. É un importante núcleo industrial (maquinaria, equipos eléctricos e tecidos) e centro de comunicacións. Pertenceu ao príncipe elector de Brandenburgo (s XV), e dende 1815 ao reino de Prusia. Do seu patrimonio arquitectónico destacan as igrexas góticas dos ss XIV e XV e a torre Spremberg.