Crane, Walter

Debuxante, ilustrador e pintor inglés, fillo do retratista e miniaturista Thomas Crane (1808-1859). Formouse en Londres (1859-1862) co gravador W. J. Linton e coñeceu a obra dos prerrafaelistas. Foi o primeiro presidente do movemento Arts and Crafts (1888) e un dos promotores do modernismo. Entre os cargos académicos que tivo, destaca a dirección do Royal College of Art (1898-1899). Colaborou en xornais socialistas e na recollida de debuxos en Cartoons for the Cause (Debuxos para a causa, 1896). O seu libro Lines and Outlines (Liñas e perfís, 1875) constitúe o manifesto da súa plástica baseada na liña. Ilustrou tamén libros infantís.

Cronología