crista

1. s f [ZOOL]

   1. Excrecencia carnosa que teñen sobre a cabeza algunhas galináceas, xeralmente máis desenvolvida nos machos. As cristas empréganse na elaboración de determinados pratos clásicos, fundamentalmente de influencia francesa, en xeral en recheos e gornicións de carnes e aves preparadas no forno.

      Ex: A crista do pavón é moi vistosa.

   2. Conxunto de pelos ou plumas que se atopan na cabeza de certos animais.

      Ex: As cotovías teñen unha crista de plumas.

      Sinónimos: curupela, curupete.
2. 1. s f

      Parte máis elevada ou saínte de certas cousas.

      Ex: Tráeme o sacho de crista. A crista da onda chegaba ós dez metros de altura.

   2. s f [ANAT]

      Estrutura alongada e estreita do organismo.

      Ex: Partiu a crista da tibia xogando ó fútbol.

   3. s f [BOT]

      Arilo de pequenas dimensións formado sobre o rafe que presentan as sementes de moitas papaveráceas.

   4. s f [ALIM]

      Doce consistente nunhas pequenas pastas con forma de crista de galo, que se elaboran con fariña, manteiga, ovo e lévedo, e que frecuentemente se enchen con cabelo de anxo.

   5. s f [XEOG]

      Parte estreita da divisoria de augas dalgunhas montañas.

   6. s f [XEOG]

      Cada unha das beiras abruptas que envolven un anticlinal e das que limitan as depresións sinclinais ou periclinais.

   7. s f [XEOG]

      Relevo dos fondos oceánicos de forma alongada.

   8. crista topográfica [XEOG]

      Punto máis alto dunha elevación do terreo.

3. s f [PLANTA]

   Denominación popular que reciben algunhas especies de herbáceas do xénero Polygonum.

   Sinónimos: beldro, cordela.
4. [FÍS]
   1. s f

      Punto onde unha onda ou unha magnitude variable no tempo toma o valor máximo dentro dun intervalo determinado.

   2. valor de crista

      alor máximo que toma nun intervalo determinado unha magnitude variable no tempo. Nunha magnitude periódica é a amplitude.

   3. valor de crista en crista

      Diferencia alxébrica entre os valores máximo e mínimo que toma unha magnitude variable no tempo nun intervalo determinado. Nunha magnitude periódica é a amplitude total e se a magnitude é simétrica recibe o nome de amplitude dobre.

Frases feitas

• Abaixarlle/baixarlle a un a crista. Humillar a alguén.

• Darlle a un na crista. Vencer a alguén naquilo no que puxera moito empeño ou ilusión.

• Erguer a crista. Adoptar unha actitude arrogante.

Formas incorrectas