Cromwell, Oliver

Político inglés. Educado nun ambiente puritano, en 1628 foi elixido membro do Parlamento, que se disolveu ao ano seguinte. Trala súa restauración en 1640, foi membro da oposición á monarquía absoluta e á Igrexa episcopal. Durante a guerra civil, dirixiu un exército revolucionario, o New Model Army. Opúxose ao decreto de disolución do exército aprobado polo Parlamento e, despois do intento de fuxida do monarca (1647), depurou o Parlamento (1648) e conseguiu do resto dos parlamentarios que condenasen a morte de Carlos I (1649) e que proclamasen a República (Commowealth). Nomeado membro do consello de Estado e do consello de oficiais do exército, asumiu todo o poder. Promoveu a incorporación de Irlanda (1649-1650) e de Escocia (1650-1651), disolveu o Parlamento (1653) e estableceu o protectorado (1653) do que tomou o título de lord protector. Durante o seu goberno, estableceu a Acta de Navegación (1651) e derrotou as Provincias Unidas (1654); deste xeito asegurou a prosperidade da burguesía mercantil de Londres. O réxime sostíñase polo seu prestixio e aínda que o sucedeu o seu fillo, o Parlamento reinstaurou a monarquía.

Cronología