cuantificación

Acción de cuantificar.

Operación que consiste en darlles valores discretos ás magnitudes físicas dun sistema descrito pola mecánica cuántica.

Modo de indicar expresamente, nunha proposición lóxica, a qué parte da extensión do suxeito se lle atribúe o predicado. W. Hamilton introduciu a cuantificación do predicado, que consiste en atribuírlle ao predicado de certas proposicións afirmativas, que en lóxica clásica son sempre particulares, unha extensión universal (algúns animais son [todos eles] homes) e unha extensión particular a certas proposicións negativas, que tamén no eido clásico son universais (o home non é [certo] animal).

Expresión de cantidade.