cubiculario

Servo ou liberto adscrito aos cuartos dos membros secundarios da familia, chamados cubicula, no Imperio Romano. Tamén se denominaban así os criados ou servos da casa do emperador.

Oficial subalterno ao servizo das cámaras reais no reino visigótico. Este oficio perdurou na corte asturiano-leonesa.

Custodios das basílicas de Letrán, do Vaticano e de San Paulo Extramuros, dende o s IV d C, que tiñan ao seu cargo as reliquias destes templos que se gardaban nos cubiculum. Dende finais do s VI d C recibiron este nome os serventes do papa ou doutros prelados, adscritos a oficios particulares.

Monxe que se encargaba do enxoval dos cuartos nos grandes mosteiros.