Cuicul

Cidade romana do N de África, correspondente á actual Kjamila (Alxeria). Foi fundada no s I d C, probablemente polo Emperador Traxano, como gornición romana para controlar e explotar as comarcas agrícolas circundantes. Durante o s III a cidade contou cunha poboación duns 20.000 h pero foi abandonada no s V. É un dos exemplos mellor coñecidos de cidade romana norteafricana. Entre os edificios conservados destacan o teatro, dous foros (s II) e dúas basílicas cristiás (ss IV-V). Escavárona os franceses entre 1920 e 1955.