curiosidade

1. s f

   Calidade de curioso.

   Ex: A súa curiosidade lévao a ler moitos libros. A nosa veciña ten sempre curiosidade por saber da nosa vida. Morro de curiosidade por saber qué falaron.

2. s f

   Cousa rara e estraña que esperta o interese.

   Ex: Ensináronnos as principais curiosidades do museo. Realizaron unha reportaxe de curiosidades científicas.

3. s f

   Atención que se pon na realización dun traballo.

   Ex: Todo o que fai lle sae ben porque o realiza con curiosidade.

Refráns

• A curiosidade é boa para a roupa.
• A quen moito quere saber, dálle pouco a entender.
• Canto máis cobizado é o que se quer, máis se cobiza ver.
• Escarabellou O galo e atopou o coitelo que ha de matalo.
• Escarabellou o galo e descubriu o coitelo para matalo.
• Nin ollo na carta nin man na arca.
• Nin os ollos ás cartas nin as mans ás barbas.
• O moito escarabellar trae ás veces o seu pesar.
• O que escoita e axexa, oe e ve cousas que despois lle pesa.
• O que vai á praza para esculcar o que pasa, inda mellor lle fora quedarse na casa.
• Quen escoita, mal de si ouza.
• Quen escoita, o seu mal oe.
• Quen pregunta o que non debe, oe o que non quere.
• Quen pregunta o que non debía, oe o que non quería.
• Quen pregunta, saber quere.
• Quero saber de que pan me hei manter.