curva

Liña curva.

Anaco curvo que presenta algo que ten unha estrutura lineal.

Forma máis ou menos redondeada que presenta o corpo dunha muller. OBS: Normalmente emprégase en plural.

Representación gráfica mediante unha liña da variación dunha magnitude respecto a outra ou da evolución dun determinado fenómeno.

Conxunto de puntos cunhas coordenadas, respecto a un sistema de referencia dado, que se poden expresar como funcións continuas dun só parámetro. Unha curva sempre se pode considerar como unha infinidade simple de puntos: esta é a formulación adoptada polos matemáticos no estudo das curvas continuas. A representación cartesiana dunha función definida f, nun subconxunto do conxunto dos números reais, vén dada polos puntos (x,y) tales que y=f(x). Esta representación é unha curva que se pode expresar en forma explícita por medio da ecuación y=f(x) ou en forma implícita a través dunha relación F(x,y)=0 entre as súas coordenadas. Segundo a natureza da súa ecuación, dada en coordenadas cartesianas, unha curva recibe o nome de alxébrica, se só ten un número finito de puntos excepcionais, ou transcendente, se ten un número infinito. Para curvas planas defínense os conceptos de recta normal e raio de curvatura. O grao dunha curva alxébrica plana é o da súa ecuación. A clase da curva é o número de tanxentes que ten nun punto xenérico. Para curvas no espazo defínese un plano osculador e as liñas normal e binormal. O grao dunha curva alxébrica non situada nun plano é o número de puntos que ten situados sobre un plano xenérico, e a súa clase é o número de planos osculadores que ten nun punto xenérico.

Representación esquemática que, mediante unha liña que une determinados puntos no plano, representa o valor medio das pendentes nos diferentes puntos dunha rexión xeográfica, en función das alturas correspondentes.

Curva que conecta un conxunto de puntos de forma suave, resolvendo un sistema de ecuacións cúbicas. A diferenza da curva de Bézier, unha cúbica está definida só polos puntos polos que debe pasar; non ten puntos de control que non estean na curva. As curvas cúbicas son as formas naturais dos obxectos curvados que se aseguran en puntos particulares e son libres de curvarse entre eles. A curva pasa por cada punto en forma uniforme, sen dobrarse bruscamente. Cada segmento da curva (desde un punto ata o seguinte) está modelado por un polinomio de terceiro grao (cúbico) da forma y=ax elevado a 3+bx elevado a 2+cx+d, no que a, b, c e d dependen dos puntos finais do segmento e da pendente que debe ter o segmento en cada extremo. O máis normal é que non se coñezan as pendentes, pero a pendente final de cada segmento asígnase igual á pendente do principio do segmento seguinte. As pendentes e os coeficientes atópanse despois resolvendo un sistema de ecuacións lineais simultáneas (lineais, porque x, x elevado a 2, e x elevado a 3 son coñecidas e poden ser tratadas como constantes).

Representación gráfica, nun eixe de coordenadas cartesianas, dun parámetro de resposta en función do número de ensaios ou tempo de adestramento, que indica a evolución do progreso baixo a influencia do exercicio.

Representación gráfica da concentración de osíxeno da hemoglobina respecto á presión parcial de osíxeno en sangue.

Representación gráfica da variación do número de células ou de individuos dunha poboación ao longo do tempo.

Representación gráfica do volume atómico e doutras propiedades dos elementos químicos respecto ao volume atómico. Nesta curva pódese observar a periodicidade destas propiedades, que levou ao establecemento do sistema periódico.

Liña que une determinados puntos no plano e que se emprega nas representacións cartográficas para unir os puntos de igual altitude, tendo como referencia un plano horizontal. A equidistancia ou a separación entre cada dúas curvas de nivel está en función da escala do mapa.

Representación gráfica do logaritmo do número de superviventes dunha poboación ao longo do tempo.

Representación gráfica da variación da temperatura corporal ao longo do tempo no transcurso dunha enfermidade.

Representación gráfica da taxa de glicosa en sangue ao longo do tempo.