Cymodocea

Xénero de herbáceas mariñas da familia das cimodoceáceas. De rizoma longo e cor vermella, en cada nó posúen entre dúas e cinco follas estreitas de 2 a 10 cm de lonxitude e flores unisexuais, illadas e reducidas (as masculinas a 2 estames unidos e as femininas a 1 ou 2 carpelos libres); a polinización é hidrógama. No litoral mediterráneo está presente a especie C. nodosa.