D

Cifra romana que representa o número 500 (cincocentos).

Símbolo do deuterio.

Símbolo do desprazamento ou indución eléctrica.

Letra que designa a cuarta das liñas de Fraunhofer, a de lonxitude de onda 5.893 Å.

Factor do sistema Rh. Denomínanse D positivas as persoas que teñen este factor nos eritrocitos, e D negativas aquelas ás que lles falta o factor.

Símbolo de debye.

Cuarto grao da escala na notación alfabética que na notación silábica corresponde a re.

Sigla da República Federal de Alemaña na placa de Estado.

Letra que designa a rocha nai inalterada, baixo o horizonte.