dación

Acción e efecto de dar unha cousa a alguén.

Acto de cumprimento dunha obriga mediante a realización dunha prestación distinta á debida, sen empregar o diñeiro, e efectuada de mutuo acordo entre o acredor e o debedor. Diferénciase da cesión de bens na transmisión da propiedade da cousa, ademais do dereito de posesión e administración da mesma. Ten o pleno efecto de supor a extinción da obriga. Non é necesario que o valor do dado sexa equivalente ao debido e abonda coa aceptación da prestación substitutoria. Os organismos recadadores poden aceptar as dacións como método substitutorio do ingreso de tributos.